Русский  >>  فارسی  >>  Панҷшанбе 24 январ 2019, 10:59

ВИДЕО: “Пирамард ва баҳр”-и Ҳемингуэй ва тоҷикиомӯзии Сюзан Эллиотт

7 июн 2014, 13:18

Сафорати Иёлоти Муттаҳида дар Душанбе рӯзи 6 июн ҳазор нусха китоби “Пирамард ва баҳр”-и Эрнест Ҳемингуэйро, ки ба забони тоҷикӣ ва англисӣ нашр гардидааст, ба Китобхонаи миллии Тоҷикистон тақдим кард. Ин китоб аз сӯи Муҳаммадсалим Азизмуродов тарҷума ва бо ёрии молии Амрико дар чопхонаи “Бухоро” ба нашр расидааст.

Сюзан Эллиотт, сафири Амрико дар Душанбе, ҳангоми тақдими “Пирамард ва баҳр” ба Китобхонаи миллӣ гуфт, “ин тарҷумаи асари классикии Ҳемингуэй на танҳо хонандагони тоҷикро бо ганҷинаи адабии Амрико ошно мекунад, балки ба ҳайси як маводи муҳими омӯзиши забони англисӣ низ истифода хоҳад шуд. Ман низ тариқи ин китоб мехоҳам, забони тоҷикии худро сайқал диҳам.”

Эрнест Ҳемингуэй нависандаи амрикоӣ, журналист ва барандаи ҷоизаи Нобел дар бахши адабиёт мебошад. Ӯ дар иёлати Илинойси Амрико дар хонаводаи миёнаҳол ба дунё омада, ба донишгоҳ шомил нашуд ва ба рӯзноманигорӣ пардохт. Замони ҷанги аввали ҷаҳонӣ ӯро ба хотири чашмҳои заифаш ба аскарӣ нагирифтанд, аммо Ҳемингуэйи 19-сола ба Салиби Сурх пайваст ва соли 1918 дар Итолиё маҷруҳ шуда буд.

Соли 1961 Ҳемингуэй, ки аз афсурдагии руҳӣ азият мекашид, дар манзилаш дар иёлати Айдаҳои Амрико бо туфанги шикорӣ худро кушт.




Шарҳи худро бинависед:

Ном:*
E-Mail:
Матни шарҳ:
Посух додан
  • Ahmad

  • 8 июн 2014 00:34
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Mutaasifona, sifati tarjuma khele va khele past ast. Safiri yak davlati buzurg natavonist, yak tarjumoni khubero paido namoyad, to ki dar sathi u boshad???
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Эрнест Ҳэмингуэй ба сифати нависанда шӯҳрати ҷаҳонӣ дорад. Агар асари "Пирамард ва баҳр"и ӯ ба забони суфтаи тоҷикӣ тарҷума шуда бошад, хело кори хуб шудааст. Вақти он расидааст, ки адабиёти ҷаҳон аз забонҳои асл бевосита ба забони тоҷикӣ тарҷума шавад, на тавассути русӣ, ки дар гузашта буд. Алъон Худоро (Ҷ) шукр забондоҳо бисёранд. Вазорат ва ниҳодҳои зирабт бояд онҳоро ҷалб бикунанд.
Ғайр аз ин мавриди хурсандӣ он аст, ки Сафири Амрико хонум Сюзан Эллиот забони тоҷикиро меомӯхтааст. Ин эҳтироми басо бузург аст. То ҳол ман нашунидаам, ки ягон сафири рус бигӯяд: "Ман бояд забони тоҷикиро сайқал бидиҳам..." Сафир он тараф истад, ҳатто сокинони оддии руси муқими Тоҷикистон намехоҳанд калимае бо забони тоҷикӣ талаффуз кунанд. гардани онҳоро такаббурӣ шах кардааст....

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!