Ваъдаи Шукурҷон Зуҳуров барои ҳалли мушкили муҳоҷирони тоҷик дар Русия
Шукурҷон Зуҳуров, раиси Маҷлиси Намояндагон, палатаи поёнии парлумони Тоҷикистон, дар мулоқот бо муҳоҷирони меҳнатии тоҷик дар Русия ваъда додааст, барои ҳалли мушкили онҳо талош хоҳад кард.
Бар асоси иттилои Муҳаммадато Султонов, сухангӯи раиси Маҷлиси намояндагон, Зуҳуров дар вохӯрӣ бо муҳоҷирон иброз доштааст, мушкилоти онҳо ҳамеша дар маркази таваҷҷуҳи давлату ҳукумати Тоҷикистон қарор дорад: “Таъмини ҳифзи ҳуқуқу озодиҳо ва манфиатҳои иқтисодии муҳоҷирони меҳнатии Тоҷикистон дар Русия аз мавҷудияти санадҳои танзимкунандаи муносибатҳо миёни ин ду кишвар вобаста аст.”
Зуҳуров афзудааст, масъалаи муҳоҷирон дар меҳвари мулоқоташ бо масъулони Русия қарор дошт, чун қариб 90 фоизи муҳоҷирати меҳнатии тоҷик дар Русия кор мекунанд. Манбаъ мегӯяд, Шукурҷон Зуҳуров ибрози умедворӣ намудааст, ҳамаи нофаҳмиҳое, ки дар самти муҳоҷирати меҳнатӣ ҷой доранд, аз миён бардошта хоҳанд шуд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |