Русский  >>  فارسی  >>  Панҷшанбе 25 апрел 2019, 01:43

Иттифоқи журналистони Қазоқистон ба Ҷулиан Ассанҷ ҷоиза додааст

24 июн 2014, 10:22

Ҷулиан Ассанҷ, журналисти австралиягӣ барандаи ҷоизаи Иттифоқи журналистони Қазоқистон шудааст.

“Мо ҳамасола журналистонро барои ҷоиза интихоб мекунем. Имсол даҳҳо намояндаи ВАО муддаии ҷоизаи иттифоқ буданд. Бо тасмими ҳайати вижа дар номгӯи “таҳқиқоти журналистӣ” ҷоиза насиби Ҷулиан Ассанҷ шуд”,- гуфтааст Сейткази Матаев, президенти Иттифоқи журналистон ба Tengrinews.kz.

Ба қавли ӯ, онҳо баъд аз зуҳри имрӯз ба Ассанҷ диплом ва ҷоизаи пулиро ирсол мекунанд: "Мо медонем, ки вай дар куҷо аст ва хоҳиш мекунем, ба ӯ бирасонанд".

Ёдовар мешавем, Ҷулиан Ассанҷ баъди нашри санадҳои ифшокунанда дар торнамои WikiLeaks шуҳратёр шуд. Соли 2010 дар Лондон боздошт гардида, бо пардохти 240 ҳазор паунт раҳо шуд. Ҳоло дар сафоратхонаи Эквадор дар Бритониёи Кабир паноҳ мебарад. Дар Шветсия асосгузори WikiLeaks-ро дар таҷовус ба номус муттаҳам мекунанд. Ассанҷ бошад, ин иттиҳомро рад карда мегӯяд, барои нашри асноди сиррии дипломатии Амрико ҳадафи таъқибу фишор қарор гирифтааст. Ба қавли ӯ, мақомоти Шветсия мехоҳанд ӯро ба ИМА таслим кунанд, ки онҷо ҳукми қатл интизораш ҳаст.

WikiLeaks беш аз 250 ҳазор асноди махфии вазорати умури хориҷии Амрикоро ифшо сохт. Ҳамчунин дар ин сомона асноди сиррӣ оид ба ҷанг дар Ироқу Афғонистон ҳам нашр шуда буд.


Шарҳи худро бинависед:

Ном:*
E-Mail:
Матни шарҳ:
Посух додан
  • Насибҷон

  • 27 июн 2014 02:24
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Лутфан, ҳангоми навиштани номҳо таваҷҷуҳ кунед. Ному насаби раиси Иттиҳоди журналистони Қазоқистон Саидқозӣ Матаев аст, на Матаева...Эшон аз шахсиятҳои шинохтаи кишвари Қазоқистон ва яке аз ҳамкорон ва дӯстони шодравон устод Латифӣ ҳастанд. Онҳо замони шӯравӣ дар рӯзномаи Известия ҳамкор буданд...Зимнан,эшон дар роҳандозии хабаргузории ТоҷикТА ҳам саҳм доранд.Ҳамчунин бо талоши Саидқозӣ Матаев чанде пеш хабаргузориҳои дигари форсӣ барои Эрон ва Афғонистон ҳам арзи вуҷуд карданд, ки бо се забон --форсӣ, русӣ ва англисӣ хабар пахш мекунанд. Аз ин нигоҳ мо, журналистон ва аҳли фарҳанг бояд эшонро бишносем ва дар навиштани номашон ба иштибоҳ роҳ надиҳем.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!