15 июл 2014 09:29Тоҷикистон / Сиёсат

Боз як номаи наҳзатиҳои Суғд ба мақомот

Бахши Ҳизби наҳзати исломии Тоҷикистон дар вилояти Суғд бо ирсоли номае аз мақомоти маҳаллии ин вилоят барои баргузории маҳфиле дубора толор хостааст.

Дар номаи ин бахши ҲНИТ ба мақомоти маҳалли вилояти Суғд, аз ҷумла омадааст, “бинобар тахриб шудани қароргоҳи шуъбаи ҳизб аз Шумо хоҳиш менамоем, ки барои таъмини толор мусоидат кунед."

Тавре Фарҳод Собирзода, котиби матбуоти шуъбаи ҲНИТ дар Суғд хабар медиҳад, номаи онҳо рӯзи 14 июл ба масъулини шуъбаи кор бо занон ва оилаи ин вилоят ирсол шудааст. Ба гуфтаи ӯ, бахши ҲНИТ дар Суғд тасмим дорад, рӯзи 24 июли соли ҷорӣ маҳфилеро бо номи “Ҳифзи модар ва кӯдак аз нигоҳи Ислом” баргузор намояд. Ин дархости наҳзатиҳои Суғд аз мақомоти маҳалли худ дар ҳолест, ки дафтари вилоятии ҲНИТ дар ин минтақа борҳо ба ингуна муроҷиаташ ҷавоби манфӣ гирифтааст.

Ахиран чунин посухеро дар арафаи ҷашни 17-солагии Рӯзи Ваҳдат низ дарёфт намуда буд. Илҳомҷон Ёқубов, раиси Бахши ҲНИТ дар Суғд он замон гуфта буд, онҳо бо ирсоли номае ба унвони раиси шаҳри Хуҷанд барои баргузории як чорабинияш бахшида ба Рӯзи ваҳдати миллӣ толор хоста буданд, вале ба гуфтаи ӯ, масъулин ба онҳо ҷавоби рад дода, гуфтаанд, "ба самъи Шумо расонида мешавад, ки тибқи барномаи қаблан тасдиқшудаи ҳукумати шаҳри Хуҷанд як қатор чорабиниҳои ҷашнӣ бахшида ба рӯзи Ваҳдати миллӣ ва ташрифи меҳмонҳо аз манотиқи гуногун ба шаҳр дар назар аст, бинобар ин дар санаҳои пеш аз ҷашнӣ ҷудо намудани толор ғайримкон аст."

Ҳизби наҳзати исломии Тоҷикистон, яке аз аҳзоби умдаи мухолифи кишвар ба шумор рафта, танҳо ҳизби расмии динӣ дар Осиёи Миёна мебошад. Ин ҳизб дорои таърихи 40-сола буда, соҳиби торнамову нашрияи худ мебошад ва ба гуфтаи масъулинаш ҲНИТ 42 ҳазор узв дорад, ки ҳудуди 15 ҳазори он дар вилояти Суғд ба сар мебаранд. Мақомоти шаҳри Хуҷанд баъд аз зуҳри 18 июн ба вайрон кардани қароргоҳи Ҳизби наҳзати исломии Тоҷикистон дар Суғд шуруъ карданд. Ба қавли онҳо, бар асоси нақшаи куллии маркази вилояти Суғд бояд қароргоҳи ҲНИТ вайрон шуда, дар ҷояш кабудизор бунёд гардад.

Он замон Маҳмудҷон Файзраҳмонов, сухангӯи раиси ҲНИТ гуфта буд, намояндагони сохторҳои давлатӣ барои вайрон кардани бинои дафтари онҳо қарори раиси шаҳри Хуҷандро пешниҳод кардаанд. Дар ҳоле ки ба қавли вакили мудофеъ, Файзиннисо Воҳидова, ин кор танҳо бо қарори додгоҳ имконпазир аст.

Мӯҳр

Хабарҳои монанд:

Точик

Бовар дорам ин толорпурсихо хама ба хотири расидан ба асаби макомот ва издиватсияи онхост. Дидан ки як бору ду бор рад карда шуд дигар боасосус беасос мурочиат намуда ин холатро ба фоида истифода карда истодаанд.

Ҷавоб диҳед Иқтибос Шикоят

Кали зарак

Агар хато накунам барои гузаронидани чашни А. Чоми аз чониби ХНИТ макомот толор чудо карда буд ку?! Чаро инро наменависеду яктарафа бахогузори мекунед... Озодагони азиз! Озодасурату палидсират мабош!!!

Ҷавоб диҳед Иқтибос Шикоят

Дартаниян

Ба фикрам бахши ХНИТ макомоти махаллии Сугда чап гирифтаги. Шояд макомоти махаллии Сугд дар хакикат шароити таъмини толорро надошта бошад.

Ҷавоб диҳед Иқтибос Шикоят

muhojir

khayr tolor dihand dar asabashon narasand inkhel boshad baroi chi karorgohashona chapa kardand az uhdai tolor dodan namebaroi mon istand dar karorgohashon in vatan tanho az rahmonufu laganbardorosh nest hamai mo hak dorem chixeleki khohem zindagi kunem agar hxdt mepusid tolor dr 2 dakika tolor yoft meshud bas budagist in razili ba hammai kirdorhoyaton ruze meshavad sharmandavor javob xohed guft

Ҷавоб диҳед Иқтибос Шикоят

Салом

Хукумат аз Нахзат метарсад ва аз тарс ба нахзат толор намедихад.

Ҷавоб диҳед Иқтибос Шикоят

Эзоҳ илова кунед