Даргузашти ду муҳоҷири тоҷик ва номаи Раҳмон ба Путин
Эмомалӣ Раҳмон, раиси ҷумҳури Тоҷикистон, бо ирсоли номае ба ҳамтои русаш Владимир Путин садамаи маргбори метро дар Маскавро барои ӯ ва сокинони ин кишвар тасаллият гуфтааст. Дар номаи ҷаноби Раҳмон, ки субҳи 16 июл ирсол шуд, омадааст, “аз хабари фоҷеа дар метрои Маскав, ки дар натиҷаи он қурбониҳои ҷонӣ ва захмӣ шудани одамони бисёр ба вуқӯъ пайваст, сахт ғамгинам”.
Дар идома мехонем, “аз номи ҳукумат ва мардуми Тоҷикистон аз Шумо, муҳтарам Владимир Владимирович, хоҳишмандам, тасаллияти самимии моро ба ақрабо ва пайвандони фавтидагон, ҳамчунин, таманнои ба зудӣ сиҳатёбиро ба ҳамаи ҷабрдидагон бирасонед”.
Дар пайи ин садамаи маргбор, ки субҳи 15 июл дар хатсайри Арбатско-Покровскои метрои Маскав рух дод, ду муҳоҷири тоҷик дар Русия низ ҷон бохтаанд. Муҳаммади Эгамзод, як масъули сафорати Тоҷикистон дар Маскав, гуфт, инҳо Ҳаитов Бӯрӣ Абдуҷалилович (21.12.1989) ва Мавлонов Бахтиёр Қурбонович (17.10.1989) мебошанд. "Ҳоло ҷасади онҳо дар сардхона (морг) аст ва наздикони Ҳаитов ба консулгарӣ даъват шудаанд, то ҳуҷҷатҳои интиқолашро дуруст кунанд",-афзуд ӯ.
Ба иттилои сафорати Тоҷикистон дар Русия, ҳоло чаҳор шаҳрванди кишвар бо ҷароҳатҳои гуногун дар беморхонаҳои Маскав бистарӣ буда, вазъи яке аз онҳо - Муъминшо Муносибшоев (1959) вазнин арзёбӣ мешавад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |