Русский  >>  فارسی  >>  Сешанбе 25 июн 2019, 19:01

ДИИШ: Худованд ба мо нагуфтааст... бо исроилиҳо биҷангем

19 июл 2014, 10:59

Нашрияи исроилии “Haaretz” аз изҳороти ахири созмони “Давлати исломӣ дар Ироқ ва Шом” (ДИИШ) дар мавриди он ки ҳоло алайҳи кишвари он ҷиҳод эълон намекунад, истиқбол кардааст.

Ин нашрия дар матлаби худ бо номи “ДИИШ бо Исроил ҷангиданӣ нест!” менависад, ки ин созмони ба ном “исломӣ” гуфтааст, “Худованд дар Қуръон ба мо дастур надод, пеш аз мубориза алайҳи мунофиқон, бо исроилию яҳудӣ биҷангем.” Дар ин матлаби “Haaretz” омадааст, ДИИШ гӯиё феҳристи мақомҳои баландпояи кишварҳои арабиро дар даст дораду онҳоро ҷузъи ҳадафи худ медонад, вале дар он номи ҳеч мақоми исроилӣ дида намешавад.

Созмони “Давлатӣ исломӣ дар Ироқ ва Шом” ахиран бо нашри як паёми худ ба сару садоҳо дар мавриди ин ки чаро ин созмони даъвои хилофати исломӣ дошта, алайҳи режими Исроил ҷиҳод эълон намекунад, гуфта буд, то замоне мубориза алайҳи “афроди мунофиқу мункирони Худо”-ро анҷом надиҳад, барои ҷанг бо исроилию яҳудиён намебошад. Ин созмони мавсуф ба террористӣ мегӯяд, беҳтарин посух барои ин суолҳо дар Қуръон омадааст, ки Худованд дар мавриди душмани наздик – мунофиқон суҳбат мекунаду онҳоро аз кофир хатарноктар хондааст.

Ин истиқболи нашрияи “Haaretz” ва паёми ДИИШ дар ҳолест, ки бархе аз корбарони шабакаҳои иҷтимоӣ аз сафарбар шудани ҷангҷӯёни ин созмон ба навори Ғазза ба хотири мубориза алайҳи исроилиҳо хабар дода буданд.

Давлати исломии Ироқ ва Шом созмони мусаллаҳи мавсуф ба террористӣ аст, ки зери ақидаи Салафияи ҷиҳодӣ фаъолият карда, ҳадафи аъзои он гӯиё ташкили Хилофати исломӣ дар ин минтақа ва татбиқи шариати дини Ислом аст. Он беш аз 15 ҳазор ҷанговар дошта, раҳбари он Абӯбакр Бағдодӣ мебошад. Бағдодӣ дар пайи ҳамлаҳои зиёди мусаллаҳонаи ҷангҷӯёнаш, ки мунҷар ба забти қаламравҳои бузурги минтақаҳои суннишини Ироқу Сурия то кунун гардид, рӯзи аввали моҳи Рамазон аз таъсиси “Хилофати исломӣ” хабар дода, худро халифаи мусулмонон эълон кард. Ӯ дар нахустин паёмаш пайравони дини мубини Исломро барои ҷиҳод дар Сурия ва Ироқ даъват карда, пайвастан ба саффи созмонашро "воҷиб" хонда буд. Бағдодӣ, аз мусулмонон хост, тарки ин воҷиб накунанд: “Дар ин моҳи пурбарак ҳеч амале беҳтар аз ҷиҳод дар роҳи Худо нест. Аз ин рӯ, ин фурсатро ғанимат шумореду бо ҷиҳод дар роҳи Худо ба кӯмаки дин шитобед.

Вале дар пайи эълони ин хилофати “исломӣ” Иттиҳоди ҷаҳонии уламои Ислом бо нашри изҳороте таъсиси онро бо раҳбарии Абӯбакр Бағдодӣ маҳкум кард. Дар изҳороти ин иттиҳод, ки зери имзои Юсуф Қарзовӣ, олими шинохтаи суннӣ ва раҳбари он нашр гардид, таъкид шуда буд, "ин “Хилофати исломӣ” зидди меъёрҳои шариати Ислом буда, аз нафъи он зарараш ба пайравони ин дин бештар аст.

Иттиҳоди ҷаҳонии уламои исломӣ гуфт, “аввалин изҳороти ДИИШ, ки дар онҳо ҷонибдорӣ аз мардуми сунни мазҳаб ва сокинони азиятдидаи Ироқ мешуду ба як хезиши мардуми норозӣ монанд буд, моро хушҳол гардониду аз он истиқбол ҳам кардем, вале дере нагузашта бо ташкил шудани “Хилофати исломӣ”-и аз сӯи ин гуруҳ, умеду орзуҳои мо ба руъё пайваст.

Иттиҳоди мазкур изҳор дошт, ки ҳар чанд ташкили “Хилофати исломӣ” орзуи ҳар як фарди мусулмон аст, вале дини мубини Ислом ва мактаби зиндагӣ мегӯяд, “барои таъсиси он бояд хуб фикр карду зиёд омодагӣ дид, халифаи мусулмонҳо бояд аз сӯи тамоми пайравони ин дин ё намояндаи онҳо, аз қабили ходимони дину донишмандон ва ҷамъиятҳои исломӣ интихоб шавад. Аммо ин ки як гуруҳ имрӯз халифаро интихоб мекунаду аз ташкили хилофати исломӣ хабар медиҳад, зидди тамоми меъёрҳои шаръӣ аст.

Аз сӯи дигар, Абӯлуқмон, пешвои бахши ДИИШ дар шаҳри Риққаи Сурия баъд аз “халифа” эълон шудани Бағдодӣ, аз тими ӯ ҷудо шуда, худро “халифаи муслимин дар Шом” хонд. Абӯлуқмон дар шарҳи ин тасмими худ гуфта буд, “ӯ аз ашираи Алуҷайл аст, дар ҳоле ки Бағдодӣ насабаш маълум нест.


Шарҳи худро бинависед:

Ном:*
E-Mail:
Матни шарҳ:
Посух додан
  • Сиёсатбек

  • 19 июл 2014 12:30
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хайр мухтарам ДИИШ-хо мусалмонхои худатонро дар пахлуи яхудихо истода куштан гириед баъд мебинем ки кучо меравед баъди мурдан. Ачаб Куръоне доштаед ки дифоъ аз мусалмонхоро раво намедидааст...Шумо шайтонхои ришдоред ки инро хар босавод медонед... афсус ки гумрохон хам зиёданду ба Шумо мепайванданд.. аммо фаромуш накунед ки чун тег ба даст оред мардум натвон кушт.....наздики Худо бади нест фаромуш
Посух додан
  • Исфара

  • 19 июл 2014 13:19
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Aчаб нест зеро ин салафиҳоро агар модарашон оли саъуд бошад падарашон исроил аст!
Посух додан
  • Пешгуй

  • 19 июл 2014 14:13
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин ДИИШ худ сохтаи Яхуд мебошад чунки яхуд медонад, ки агар дар шахрхои исломи ороми бошад ин ба зарари уст
Абубакри Багдоди намедонад, ки бозичаи дасти Яхуду Насоро гаштааст
хар он чи дар Сурия мегузарад ин хам кори Яхуд мебошад
Посух додан
  • Сармад

  • 19 июл 2014 16:29
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин ДИИШ моли худи Исроил аст, чи хел зидди яхуд мечангад?!

Мусулмони гарангро хама фиреб мекунад. Инора хамаша кир мекунанд. Хилофат аз сарашон мемонад.
Посух додан
  • tj

  • 19 июл 2014 22:42
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Лаънат бар ин гуна мусалмони. Инхо палид
Хастанд. Исроил. Падари инхост???
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ин хоро исроил худаш омода кардааст чигуна бар мукобили исроил мечанганд инхо хама дастпарвардаи хамун кофирон астан хилофати онхо бар зидди ислом аст онхо худ кофиранд.
Посух додан
  • Бехат

  • 20 июл 2014 14:59
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Давлати исломӣ дар Ироқ ва Шом (ДИИШ) ба Исроил чангидани нестанд. Чунки Худованд ба онхо ичозат намедодааст. Гуфта шуда будааст, ки аввал бародарони мусулмоноатро нобуд соз, баъд масъалаи Яхудба маслихат мекунем.
Посух додан
  • имрон

  • 20 июл 2014 21:48
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Директори Иститути Исломшиносии Росия Александр Игнатенко то огози чахиш ва элони чиход дар марзи ободони Ирок ва Шом тахлили карда буд,ки самти харакати ин (ободкорон) дар дохили ин кишвархо хохад буд ва асло бо кушвари бегонае монанди Амрико ва Исроил чанг эълон нахохад кард. Яъне бо куштан ва тачовузи шиъахо (мусалмонхое,ки кофирашон эълон карданд) иктифо хоханд кард.
Посух додан
  • Кайхон

  • 20 июл 2014 23:13
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Худованд ба онхо гуфтааст ки мусулмононро кушед. Ба исроилихо зурашон намерасад. Куштани мусулмонони бесилох осонтар аст. Ин котилони ДИИШ-ро мусулмон гуфтан чоиз нест,онхо котиланд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Худованд НЕ дурусттараш CIA ба мо нагуфтааст бо Исроилихо бичангем мегуфтед дурусттар мешуд! Оху вохи тифлакони фаластини Шуморо занад фанатикони бесавод!!!!

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!