Русский  >>  فارسی  >>  Чоршанбе 22 май 2019, 21:44

Чаро Э.Раҳмон бо ҳавопаймои “Сомон Эйр” сафар мекунад, на “Тоҷик Эйр”?

21 июл 2014, 11:08

Фирӯз Ҳамроев, раиси ширкати миллии ҳавопаймоии Тоҷикистон, “Тоҷик Эйр”, рӯзи 21 июл дар ҳузури хабарнигорон омилҳои аз хизмати ҳавопаймоҳои ширкати хусусии “Сомон-Эйр” истифода намудани Эмомалӣ Раҳмон, раиси ҷумҳури Тоҷикистонро шарҳ дод. Ҳамроев ба суоли хабарнигори “Озодагон” дар ин маврид афзуд, "ба фикри ман, ба далоили амниятӣ раиси ҷумҳур хизматрасонии “Сомон Эйр”-ро авлотар донистаанд".

Ӯ илова кард, “мо чӣ ҳам накардем, ки аз хизматрасонии мо истифода баранд, ё не. Инро худашон мебинанду интихоб мекунанд. Ба фикрам, ба далели амниятӣ ҳавопаймои “Сомон Эйр”-ро интихоб намуданд, чун тайёраҳои ин ширкат воқеан ҳам навтаранд. Ҳарчанд ҳавопаймоҳои мо низ ба меъёрҳои байналмилалӣ ҷавобгӯянд, аммо тайёраҳои онҳо навтаранд.”

Видеои суҳбати Ҳамроев дар бораи интихоби президент

Чаро Э.Раҳмон бо ҳавопаймои “Сомон Эйр” сафар мекунад, на “Тоҷик Эйр”?Дар баробари ин Фирӯз Ҳамроев, эътироф намуд, ки Сомон Эйр на танҳо дар кашондани раисиҷумҳур балки дар интиқоли мусофирон дар дохилу хориҷи кишвар низ мавқеи онҳоро танг кардааст. Ӯ изҳор дошт, ки Вазорати нақлиёти кишвар дар нимсолаи аввал бисёре аз парвозҳоеро, ки “Тоҷик Эйр” анҷом медод, ба “Сомон Эйр” додааст: “Мо ҳафтае аз Хуҷанд ба самти Маскав 7 парвоз доштем, ки 3 тояшро вазорат ба Сомон Эйр дод. Вазорати нақлиёт, ки дар ин соҳа иҷозатнома медиҳад, инчунин парвоз дар хатсайри Душанбе-Истанбулро низ ба “Сомон Эйр” дод.”

Ҳамроев инчунин эътироф намуд, ки Сомон Эйр мавқеи ин ширкатро дар бозори дохилӣ низ танг карда, ниҳоят ба он овард, ки “Тоҷик Эйр” аз парвоз дар хатсайри Душанбе-Хуҷанд даст кашид: “Мо дар ин хатсайр парвоз мекардем ва баъдан “Сомон Эйр” низ парвозҳоро роҳандозӣ намуд. Дар натиҷа мусофирони мо кам шуданд ва умуман аз ин хатсайр даст кашидем.”

Видеои суҳбати раиси "Тоҷик Эйр" дар бораи додани парвозҳояшон ба "Сомон Эйр"

Раиси “Тоҷик Эйр” гуфт, бо тайёраи МА-60-и чинӣ натавонистанд дар хатсайри Душанбе-Хуҷанд бо “Боинг”-ҳои “Сомон Эйр” рақобат кунанд. Ӯ инчунин илова намуд, ки аз кори МА-60-и чинӣ розӣ нестанд ва тайёраи дуюмеро, ки интизор мерафт аз Чин харанд, рад намудаанд.

Ин аст, ки ба иттилои раиси “Тоҷик Эйр” тайи нимсолаи аввали соли равон аз хизматрасонии ширкат 165 хазору 909 нафар мусофирон истифода бурданд ва ин нишондиханда нисбати нимсолаи аввали соли 2013 14 хазору 244 нафар камтар аст.

Видеои иқдом барои раҳоӣ аз буҳрон

Бо назардошти ин ва ҳаҷми қарздорӣ мудирияти “Тоҷик Эйр” мегӯяд, лоиҳаи қарори ҳукумати Тоҷикистонро таҳия кардаанд, ки дар он ихтисори то 30 дарсади кормандон, аз эътибор соқит донистани 22 ҳавопаймои замони шӯравии ин ширкат ва лағви қарздориро дар назди фурудгоҳи Душанбе, Хуҷанд, Қӯрғонтеппа дар бар мегирад.


Шарҳи худро бинависед:

Ном:*
E-Mail:
Матни шарҳ:
Посух додан
  • Дилёб

  • 21 июл 2014 11:52
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Фикр мекунам инхам як амри Хакк аст. Мудирияти "Точик Эйр" аз кисаи мухочирини мехнати ба кавле "равган андохт" акнун замони заволашон хам даррасид. Банда сад дар сад аминам, ки Фируз Хамроев дигар дар зиндаги ба чизе ниёзманд нест. Пул, мол, мошинхои гаронарзиш, кушк ва гйра барояш хар сари кадам мухайёст. Боз чаро талаби бештар мекунад? Ин даворн канун насиби гурги дигар гашт.
Посух додан
  • Ismaili

  • 21 июл 2014 13:12
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Салом. Наход то ин дарача расид, ки фаъолияти корхонаи шахсии аз фаъолияти корхонахои давлати дар назди давлат авлотар бошад. Дузди хам як рамкаи муайян дорад. Аз хисоби акцияхои Рогун тайёрахо хариданду боз ин гуна кунанд. Окибат дар назди Худо таъоло чи чавоб медиханд.
Посух додан
  • Ismaili

  • 21 июл 2014 14:26
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Салом. Сохиби аслии Сомон-эйр кист ку мардонавор бигуед.
Посух додан
  • .

  • 21 июл 2014 15:40
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ismaili,

Бепарво бош хамаш бачахакои хдмонан ай боло.
Посух додан
  • Сомон

  • 21 июл 2014 16:29
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Озодагон Ген директори Точик Эйра алиш кадан имруз
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Инчо чои шубха нест хизматрасонии ширкати Сомон-айр бисёр хуб аст назар ба Точик айр !!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Сомон созай чем и точикэйруш якумуш дигару инай ки мошинои нав дорад
Посух додан
  • Ismaili

  • 21 июл 2014 21:42
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Салом. Сомон-эйр андоз месупорад ё ранги IRS мебошад.
Посух додан
  • Анкетил Дюперрон

  • 22 июл 2014 16:03
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
О! бародарон як ба Афгонистони кашшок нигаред авиакомпанияи бузурги "Помир"-ро ташкил карда онро тарики сомонахои Канада,Амрико ва Урупо реклама мекунад.Наход мо номи баланди"Помир"-ро низ аз даст дихем.Хеч фикр мекунед ми чанобони хоким...!

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!