23 июл 2014 12:33Тоҷикистон / Дин ва зиндагӣ / Тема дня

Эълони рӯзи Иди Фитр ва талаби 600 сомонӣ ҳаққулузвият

Шӯрои уламои Маркази исломии Тоҷикистон, ягона ниҳоди содиркунандаи фатво дар кишвар, санаи 28 июлро рӯзи Иди Фитр эълон кард.

Маъруф Бобоев, котиби матбуотии ин ниҳод, гуфт, Шӯрои уламои Маркази исломӣ дар ҷаласаи рӯзи 23 июли худ санаи дақиқи Иди Фитрро муайян кардааст. “Намози ид дар тамоми масоҷиди ҷомеи Тоҷикистон соати 7:00-и 28 июл оғоз меёбад”,-афзуд ӯ.

Шӯрои уламо дар идома имомхатибонро вазифадор кардааст, дар мавъизаҳои худ диққати сокинонро ба дастгирию кумаки ятимон дар рӯзҳои хурсандӣ ҷалб карда, ба сарфакорӣ дар рӯзи ид даъват кунанд. Инчунин дар ин қарори Шӯрои уламо таъкид шудааст, масоҷиди ҷомеъ аз ҳисоби маблағҳои ҷамъоваришуда дар намози ид 600 сомонӣ ҳаққи аъзогиро ба хазинаи Маркази исломӣ бисупоранд.

Иди Фитр яке аз ду иди бузурги мусалмонони ҷаҳон мебошад, ки он ҳамасола баъди ба поён расидани моҳи шарифи Рамазон таҷлил карда мешавад. Дар Тоҷикистон низ баъд аз солҳои наввадуми қарни гузашта дар шакли расмӣ аз он истиқбол шуда, дар ин рӯз дари ҳамаи коргоҳҳо баста ва ин рӯз истироҳат эълон мешавад. Мардуми доро одатан дар ин рӯз, бар асоси расму ойини мазҳабии худ, гӯсфанд ё говеро қурбонӣ намуда, шахсиятҳои гирду атрофи камбизоати худро низ аз гӯшти он бенасиб намегузоранд.

Мӯҳр

Хабарҳои монанд:

ali

Ин маблаги хакулузвият ба кисаи Сайидмукаррам ё Холиков медарод ё ба кисаи ким кии дигар?

Ҷавоб диҳед Иқтибос Шикоят

Хайри

Баъди супоридани 600 сомони шояд, ки шумораи масчиди чомеъро то иди оянда зиёд кунанд. Вало ! ту Пул- Пул нести, балки ПУЛ-МОСТ хасти. Ту чу МОСТ ду сохилро мепаиванди. НАУЗУБИЛЛОХ.

Ҷавоб диҳед Иқтибос Шикоят

Бекор

Хукумат пулатон намедихад, ки ба суи масочиду кисаи мардум чашм ало кардед? Касе аз хисоби пули мардум сохиби хонаи дуошёна ва мошин шуданист!

Ҷавоб диҳед Иқтибос Шикоят

Гариб

Макомоти давлати дига рохи пул пурсиро наёфтан??? И хам ислама бизнес кардаистодааст???!!!!

Ҷавоб диҳед Иқтибос Шикоят

маъруф

Мебахшен бародарону лекин Раиси Кумитаи дин барои 600 сомонии шумо , ки инкадар миллату иллат кунед аз тамоми мсочиди чомеъ агар чамъ кунед ин пулам хичи аст . Худоро шукр як квотаи хач 7000 доллар шудаги хами 100-ша агар чанобашон фурушан 700 000 доллар мешавад, чи даркор инкадар одамора паст задан. илова бар ин боз дигар роххои даромади махсуси кумита хаст барои мисол ба кайд гирифтани як китоб худаш чанд сум меистад равон кардани корихои курон ба кишвархои хоричи хулоса мо 100рон рохи даромад дорем кумиат барои 600 сомони шумо мурдаги не . Ин пулхои мелич наисби хамун

Ҷавоб диҳед Иқтибос Шикоят

Юсуф

маъруф,
Ба ростӣ пули ҳаҷравӣ 7000 доллар шуда аст? Вой, хонат сӯзад кумитаи динеее...! Намеравам ҳамун ҳаҷ! Ҳаҷам дар хона. Шиками фарзандонро дуруст сер карда, таълиму тарбияи хуб диҳам, ана ҳамин худаш ҳаҷ! Аллоҳ Таоло худаш медидагист, кӣ чӣ тавр зиндагӣ мекунаду аз кадом ҳисоб сафари ҳаҷ мекунад!
Нархи квартираю манзилро ба осмонҳо бардоштед, акнун навбати сафари зиёрати мусулмонҳо омад? Ку кӣ он Хадамоти зидди инҳисорӣ, ки монополияи шуморо шиканад. Ин чашмони гуруснаи шумо кай сер мешавад? Дар ин рӯзҳои моҳи Рамазони шариф ба қазовати Аллоҳ Таоло супурдем шуморо....

Ҷавоб диҳед Иқтибос Шикоят

Эзоҳ илова кунед