Бахшҳо

Иззат Амон: Истиқлолият барои як муҳочир, раҳоӣ ёфтан аз бардагии миллатҳои бегона ва озодона кору зиндагӣ кардану таъмини оила дар Ватани худ мебошад.

Озодагон: Қабл аз ҳама шуморо ба ҷашни истиқлоли Тоҷикистон, ки инак дар арафаи он қарор дорем, табрик мегӯем ва алъон бигӯед, ки истиқлол ба Шумо ҳамчун намояндаи ҷавонони рӯшанфикри Тоҷикистон чӣ дод?
Иззат Амон: Ташаккур. Ҳанӯз чандин сол қабл имом Ҳумайнӣ, пешвои инқилоби исломии Эрон гуфта буд,  ки агар чанде  миллат дар буъдҳои  сиёсию  иктисодӣ ва фарҳангӣ  пешсаф бошад, вале аз озодӣ ва истиқлоли комил бархӯрдор набошад, ҳамчун миллат ташаккул наёфтааст. Шахсан барои банда тавзеҳи вожаи «истиқлолият» - ин озодии андеша, рафтор,  гуфтор ва сохтани кишвару миллати худ  мебошад. Гарчанде дар кишвари худ алон мо аз истиқлоли комил бархӯрдор нестем, вале умедворам, ки моро тағйиротҳои бузург ва таҳаввулоти тоза дар пеш аст.
Озодагон: Истиқлол аз диди як нафар, ки алъон дар хориҷ аз кишвар асту бори гарони муҳоҷирату ғурбатро ба дӯш дорад, чӣ гуна арзёбӣ мегардад?
Иззат Амон: Мусаллам аст, ки орзуи ҳар як муҳоҷир пеш аз ҳама баргаштан ба Ватан ба назди хонаводаи худ, фарзандон, Модари азиз ва Қиблагоҳ мебошад.   Истиқлолият  барои як муҳочир, яъне  раҳоӣ ёфтан аз бардагии миллатҳои бегона ва озодона кору зиндагӣ кардану таъмини оила дар кишвари худ мебошад.  Ватане, ки имкони таъмини шаҳрвандонашро ба як бурда нон дошта бошад ва бар акси ин ҳолат  шиорпартоиҳои мо гирди истиқлолият дағ - дағае беш нест. Бояд бигӯям, ки ҳанӯз барафроштани парчами 165-метра, ки аз «Майдони Сурх»-и Маскав онро метавон дид, маънии истиқлоли томро надорад. Корҳои зиёди ба сомон нарасида, ҳоло дар ин росто зиёданд.
Озодагон: Мушкили асосии муҳоҷирони меҳнатӣ (манзурам ҳамватанони мо аст)  имрӯз дар Русия кадом аст?
Иззат Амон: Мушкили асосии муоҷирони тоҷик дар Русия ин – бебандуборӣ ва дармондагӣ мебошад. Вақте намедонӣ,  ки додатро ба кӣ гӯӣ ва дарду аламатро ба кӣ холӣ кунӣ. Ана, аз ҳамин бесоҳибӣ тамоми мушкилотҳо сарчашма мегиранд. Мақомоти ин кишвар, яъне Русия  ва низ ин мардум медонанд, ки тоҷикон ба категорияи муҳоҷирони аз ҳама пастҳуқуқ дар ин қаламраванд. Ҳар кореро, ки дар қиболи ҳамватанони мо дилашон хоҳад, кардан мегиранд. Баъдан соддагӣ, зудбоварӣ ва нодонии бештари муҳоҷирони тоҷик аз мушкилотҳои  дигарӣ маҳсуб мешавад. Боқӣ мушкилотҳо илоҷи худро доранд, вале  беҳуқуқӣ не.
Озодагон: Оё метавонед бигӯед, ки созмону диаспораҳои тоҷикон дар Русия феълан аз ӯҳдаи рисолати воқеиашон мебароянд? Агар ҳа чӣ тавр? Ва агар не чаро?
Иззат Амон: На, намебароянд! Ҳеч кореро анҷом дода наметавонанд ва ҳаргиз соҳиби ин қишр- муҳоҷирон набудаанд. Зеро барои созмонҳо ва диспораҳо ва ҳамчунин сафорату консулигарҳои Тоҷикистон дар Русия пеш аз ҳама манфиатҳои шахсӣ ва ё гурӯҳи  ҷои аввалро ишғол менамоянд. Мушкилии дуввум ин муттаҳид набудани созмонҳо ва худхоҳии раҳбарони онҳо мебошад. Зеро ҳар як раҳбар мехоҳад, ки ӯ барои муҳоҷирон нақши калидӣ ва асосиро бозӣ кунаду ҳамагон ба ӯ итоат кунанд ва аз ӯ фармон баранд.Ин амалӣ ношуданӣ аст ва хаёли хоме беш нест.
Озодагон: Созмоне, ки Иззат Амон роҳбарӣ мекунад, дар роҳи расидан ба ҳамбастагии ҷавонони муҳоҷири тоҷикистонӣ чӣ нақш дорад?
Иззат Амон: Созмонеро, ки  мо  4 соли пеш таъсис додему соли гузашта аз қайди давлатӣ гузаштем,  имрӯз беш аз 6000 узв дар тамоми гӯшаву канори Русия дорад. Яке аз ҳадафҳои умдаи ташкилот ин  эъмори иттиҳод миёни муҳоҷирини тоҷик  мебошад. Ҳамагон иттиллоъ доранд, ки бештари майитҳое, ки мо аз ин кишвар мефиристем  қотилонашон худи тоҷиконанд. Бинобар ҳамин чанд  рӯзи қабл мо як шӯрое бо номи «Шӯрои маслиҳатӣ» ташкил намудем, ки дар он  намояндагони ҳамаи навоҳии кишварамон ширкат  намоянд. Ва низ  рӯзҳои ахири моҳи рамазон озмуни навбатии  ҳофизони Қуръонро гузаронидем, ки дар он зиёда аз 2000  ҳамватанони мо ширкат намуданд. Дар озмун ба ғайр аз қуръонхонӣ оиди мушкилиҳои тоҷикон дар кишвари Русия баҳсу ҷадалҳо сурат гирифтанд, ки гумон мекунам, қадаме  ба пеш барои таҳкими иттиҳод дар муҳочират мебошад. Афсус, ки ғайр аз  райиси ҲНИТ, вакили МН- Мухиддин Кабирӣ  нафаре аз масъулони давлатӣ дар ин ҷашн  иштирок накарданд.
Озодагон: Ва суоли аз ҳама охирин, аммо асосӣ: Муносибати феълии сиёсӣ ва иқтисодии Русия бо Тоҷикистон дар кадом поя ва сатҳ аст? Дар чорчӯби «бародарӣ» ва ё «баробарӣ»?
Иззат Амон: Умуман калимаҳои бародарӣ ва амсоли ин дар сиёсат ва муносиботи байни давлатҳо шиоре беш намебошад. Махсусан, дар равобити Душанбе ва Маскав истифодаи ин калима дар ҳоли ҳозир айни иштибоҳ аст. Мусаллам аст, ки ҳар гуна фаъолиятҳои сиёсӣ  ҳадафҳои  иқтисодиро ба думбол мегирад. Маскав низ пӯшида намедорад, ки минбаъд сиёсатҳояшро бо давлатҳо танҳо дар чаҳорчӯби прагматизм ва ё манфиатҳои иқтисодӣ пиёда месозад. Аз ин гуна рафтор мо бояд нороҳат набошему омодагии худро дар ҳама ҳолат  дошта бошем.
Вақте мо худамонро кишвари соҳибистиқлол эълон мекунем, бояд арзиши ҳамин даъвоямонро дошта бошем. Ва хаёли онро, ки Маскав мисли солҳои шӯравӣ барои мо ҳама чизро ройгон таҳвил медиҳад аз сар барорем. Русия ҳеч гоҳ худашро бо ягон кишвари пасошӯравӣ баробар нахондааст, баръакс ҳамон сиёсатҳои имперотурии Русияро думбол мегирад. Ин аст, ки имрӯз муносиботаш бо ҳеч кишваре аз кишварҳои пасошӯравӣ хуб нест. Ва умеди беҳбудӣ ва ё бародарӣ  доштан аз Русия иштибоҳи маҳз аст. Зеро дар тӯли таърих нишон додаст,  ки дар камтарин фурсат шарики  худро бо камтарин арзиш  хоҳад фурӯхт.
Дар охир, миллати шарифи тоҷикро ба иди гузаштаи Фитр табрик мегӯяму сониян ҷашни 20 -солагии Истиқлолро ба ҳамагон таҳният. Сарбаландиву саодатмандӣ, пешравиву  бениёзиро барои тоҷикистониён аз даргоҳи Худованди маннон талаб дорам.
Мусоҳиб:  Хилватшоҳи Маҳмуд{jathumbnail off}



Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)