04 авг 2014 13:12Тоҷикистон / Иқтисодӣ

Оғози санҷиши шуъбаи Ҳаҷҷи Кумитаи дин аз сӯи додситонӣ

Додситонии кулли Тоҷикистон тафтиши фаъолияти шуъбаи равобити байналмилалӣ ва Ҳаҷҷи Кумита оид ба корҳои дин, танзими анъана ва ҷашну маросимҳои миллии кишварро оғоз кардааст. Ҳоло раёсати ин шуъбаро Абдуҷалол Ализода, ки қаблан ба ҳайси раиси Донишкадаи исломии Тоҷикистон фаъолият дошт, бар уҳда дорад.

Афшини Муқим, сухангӯи раиси Кумитаи, дин ин хабарро тасдиқ кард, аммо онро як иқдоми маъмулии Додситонии кулли кишвар номид. Мусоҳиби мо гуфт, ҳар сол дар баробари дигар ниҳодҳои давлатӣ Кумитаи дин низ мавриди тафтиш қарор мегирад, ки ҷои тааҷҷубу воҳима надорад. “Албатта, дар баробари дигар ниҳодҳо кумита низ тафтиш мешаваду ҳар сол дар арафаи мавсими ҳаҷ ин гуна тафтишот гузаронида мешавад”,-афзуд ӯ.

Тафтиши Шуъбаи равобити байналмилалӣ ва Ҳаҷҷи Кумитаи дин аз сӯи Додситонии кулли кишвар дар ҳолест, ки ин ниҳод аз болоравии арзиши хизматрасониҳо дар мавсими имсолаи Ҳаҷ хабар дода буд. Кумитаи дин гуфта буд, арзиши хизматрасониҳо дар мавсими имсолаи Ҳаҷ 539 сомонӣ боло рафта, дар умум, 18 ҳазору 164 сомониро ташкил медиҳад.

Ба қавли масъулони ин ниҳод, нархи нав дар натиҷаи тавофуқ ва шартнома бо ширкати хизматрасони Шоҳигарии Арабистони Саудӣ муайян гардидааст. Кумитаи дин омили асосии болоравии нархи Ҳаҷро афзоиши қурби доллар гуфт, ки соли гузашта арзиши як доллар 4,83 сомониро ташкил медод ва имсол то ба 4,97 сомонӣ боло рафтааст.

Ҳаҷ аз ҷумлаи аркони панҷгонаи дини мубини Ислом аст, ки барои ҳар мусалмони ба балоғатрасида ва тавоно фарз мебошад. Ҳамасола аз Тоҷикистон ҳудуди шаш ҳазор барои зиёрати Хонаи Худо ба Макка мераванд. Дар гузашта сафари зоирони тоҷик ба Маккаю Мадина тавассути ширкатҳои хусусӣ низ имконпазир буд, аммо ҳоло мақомот равуои ҳоҷиёнро танҳо тариқи Кумитаи дин иҷоза додаанд.

Мӯҳр

Хабарҳои монанд:

Рустам Хукумов

Додситони кулли ЧТ парвандаи Мухамадбокиро тамом кард боз аз кумиттаи дин сар кар Аз Худо тарсед шарм доред Дигар кор надоред Иншолох рузе мешавад Хак ба Хакдор мерасад

Ҷавоб диҳед Иқтибос Шикоят

сукут

Пурсиш дар харду олам - насиби фарзандони Хазрати Одам а.с.

Ҷавоб диҳед Иқтибос Шикоят

Булачаб инсон

Прокуратура ва Коррупсияро кй ва кадом макомот месанчад?

Ҷавоб диҳед Иқтибос Шикоят

Банда

Бисёр кори хуб

Ҷавоб диҳед Иқтибос Шикоят

Дилшод

Ман тайи 5 сол мешавад ки ба хач рафтаниям аммо ягон тартибу низом вучуд надорад чунки хатто хучатхои моро Кабул намекунанд. Хохиш дорем ки ин масаларо ба тартиб дароранд

Ҷавоб диҳед Иқтибос Шикоят

Салим

Чаноби Пракурор Шумо Бо хамрохии коркунони Зиди Фасод Шумо Санчиши делои Мухамадбокиро тамом кардед Боз навбати кадо Бегунох Ё Бачахои Опозиция

Ҷавоб диҳед Иқтибос Шикоят

Эзоҳ илова кунед