Мавқеи мушовири собиқи Эмомалӣ Раҳмон ба изҳороти Абдуллоев
Раҳматилло Зоиров, раиси Ҳизби сотсиал-демократ ва собиқ мушовири ҳуқуқии раиси ҷумҳури Тоҷикистон, даъвати академики узбак - Рустам Абдуллоев дар бораи бомбаборони Роғунро беақлӣ донист. Ӯ гуфт, ин ҳарфҳои як академик ё олим набуда, балки суханҳои инсонест, ки намедонад аз даҳонаш чӣ мебарояд.
ИДДАОИ РУСТАМ АБДУЛЛОЕВ
ОМӮЗИШИ 4-СОЛАИ РОҒУН
“Аз сӯи як корманди илмӣ эълон кардани бомбаборони Роғун, бигузор он дар калом қаламрав набошад, масъалаи гум кардани ақлу заковат аст”,-гуфт Зоиров. Ӯ афзуд, “Узбакистон дар чаҳорчӯби қонунҳои байналмилалӣ имкони таъсиргузорӣ дар сохтмони Роғунро дорад, аммо бомбаборону ҷанг “мерос”-и асрҳои пешина аст, ки ҳоло ба кор намеояд”.
“Албатта, инҳо бояд аз даргириҳои миёни Украинаву Русия ибрат гиранд. Ин одам мехоҳад, муносибати ҳозираи Тоҷикистону Узбакистон мисли Украинаву Русия шавад, ки қобили қабул нест. Баръакс, бомбаборон муносибатро дағалона вайрон карда, мардумро саргардон хоҳад кард”,-илова кард раиси ҲСДТ.
Дар масъалаи он ки оё Рустам Абдуллоев “одам”-и ҳукумати Узбакистон аст ва он ҳарферо мегӯяд, ки аз “боло” барояш мефаҳмонанд, Зоиров гуфт: “Мисли он ки дар Тоҷикистон “фабрикаи ҷавоб ҳаст, мумкин ин гуна одамон дар ҳукумати Узбакистон ҳам бошанд. Агар ин одам намояндаи ҳукумати Узбакистон ҳам бошад, аз гуруҳи провакатсионист”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |