Бар асари сониҳаи нақлиётӣ дар вилояти Хатлон 7 нафар ҷони худро аз даст доданд.
Тибқи иттилои РБДА дар ноҳияи Данғараи вилояти Хатлон, тахминан соати 00:01-и шаби гузашта, ронандаи автомашинаи «ДЭУ-Эсперо» Ҳотам Бузмакови 31- сола, ҳангоми ҳаракат дар роҳи автомобилгарди Душанбе-Данғара аз ӯҳдаи идораи воситаи нақлиёт набаромада, ба тарафи рости роҳ ба канали обгузар чаппа мешавад. Дар натиҷа худи ронанда ва мусофирони дар дохили автомашина буда, Малика Шералиеваи 40 сола, Маҳбуба Шералиеваи 41 сола, Эҳсон Шералиеви 7 сола, Фасон Шералиеваи 4 сола, Абдуҷаббор Холмуродови 2 сола ва Дилафрӯз Раҳматоваи 32 сола дар маҳалли ҳодиса ба ҳалокат мерасанд. Дигар мусофирони автомашина Баргӣ Исматоваи 37 сола, Умед Шералиеви 5 сола ,Тоҷиддин Шералиеви 37 сола ва Баноз Шералиеваи 2 сола ҷароҳати вазнини ҷисмонӣ гирифта дар беморхона бистарӣ гардидаанд.
Манбаъ афзуд, ки шабонарӯзи гузашта дар ҷумҳурӣ 5 ҳодисаи нақлиёти ба қайд гирифта шудааст, ки дар натиҷа 11 нафар ҷон бохта 9 тани дигар маҷрӯҳ гардидааст.{jathumbnail off}
Мӯҳр