Баъд аз шаш сол... Ислом Каримов ба Тоҷикистон меояд
Қарор аст, Ислом Каримов -- раиси ҷумҳури Узбакистон бо як сафари корӣ ба Душанбе биёяд. Масъулони Вазорати умури хориҷии Тоҷикистон мегӯянд, ҳоло санаи дақиқи сафари Каримов маълум нест, аммо ӯ бояд дар ҳамоиши сарони кишварҳои узви Созмони Ҳамкории Шонгҳой (ШОС) иштирок бикунад, ки 11-12 сентябри соли ҷорӣ дар Душанбе баргузор хоҳад шуд.
Гуфта мешавад, дар ҷараёни ин сафари раиси ҷумҳури Узбакистон, дидору мулоқоти як ба яки ӯ бо Эмомалӣ Раҳмон, ҳамтои тоҷикаш, дар назар аст. Мулоқоти хоси Каримову Раҳмон ҳанӯз чаҳор соли пеш, дар ҳамоиши сарони кившарҳои узви Созмони Ҳамкории Шонгҳой дар Тошканд сурат гирифта, раиси ҷумҳури кишвари ҳамсоя шаш соли пеш ба Душанбе омада буд.
Тоҷикистону Узбакистон ҳарчанд кишвари ҳамсоя ва ба ҳам наздиканд, аммо баъд эълони мустақилият муносибати онҳо ба сардӣ гароида, то ҳол нармиш пайдо накардааст. Узбакистон яке аз мухолифони ашаддии тарҳи сохтмони нерӯгоҳи барқи обии Роғун дар Тоҷикистон аст ва иддао дорад, дар сурати бунёди садди 335-метрии обанбори ин нерӯгоҳ кишварҳои поёноби минтақа ташналаб хоҳанд монд. Инчунин, Тошканд борҳо алайҳи корхонаи алёминиюми тоҷик, ТАЛКО, баромад карда, фаъолияти онро ба муҳити зист зараровар хондааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |