18 авг 2014 09:18Тоҷикистон / Иҷтимоӣ / Муҳоҷир

Тесак, сартарошидаи рус, ба панҷ соли зиндон маҳкум шуд

Додгоҳи Кунтсевои шаҳри Маскав Максим Мартсинкевич, маъруф ба “Тесак”-ро, ки яке аз миллатгароҳои сарсахти рус ба ҳисоб меравад, ба панҷ соли зиндон маҳкум кард. Масъулони додгоҳ гуфтанд, “Тесак” барои барангехтани адовати қавмӣ ва паст задани шаъни инсонӣ айбдор мешавад ва муҳлати зиндонашро дар маҳбаси низомаш шадид паси сар хоҳад кард.

Далели додгоҳ барои айбдор кардани Мартсинкевич се навори видеоие будааст, ки тавассути телефон сабт ва баъдан ба интернет роҳ ёфтааст. Додгоҳ мегӯяд, дар ин видеоҳо “Тесак” робитаи занони рус бо мардони қафқозиро маҳкум маҳкум карда, ба мардуми ғайриславянӣ дар Русия таҳдид намудааст. Дар яке аз ин наворҳо дар бораи ҳалли мушкили муҳоҷират дар шаҳри Маскав ҳам сухан рафта, Максим Мартсинкевич пешниҳод кардааст, бояд тамоми муҳоҷирон аз қаламрави пойтахти Русия берун карда шаванд.

Аммо вакили мудофеъ Алексей Михалчик бо ин қарори додгоҳ розӣ нест ва гуфтааст, айби нафари таҳти ҳимояташ исбот нашудааст. Ӯ афзудааст, Тесакро танҳо барои мавқеи фаъоли шаҳрвандияш ба ҳабс фиристодаанд, на чизи дигар. Ин бори дувум аст, ки Мартсинкевич ба ҷурми барангехтани адовати қавмӣ зиндонӣ мешавад. Яке аз додгоҳҳои шаҳри Маскав моҳи январи соли 2008 ӯро барои се сол ба зиндон фиристода буд, ки баъдан ин муҳлат ба далели наворбардории қатли яке аз шаҳрвандони Тоҷикистон дар Русия аз тарафи ӯ ба як соли дигар тамдид карда шуд.

Ин миллатгарои рус соли 2012 бо даъвати фаъолони "Маркази имиҷсозӣ барои Тоҷикистон" ба Душанбе омад, то бо вазъи зиндагӣ ва табиати кишвари мо ошно шавад. Вале баъд аз бозгашташ Максим Мартсинкевич таассуроти худ аз Тоҷикистонро дар радиои интернетияш нақл кард ва ба ҷои тарғиби меҳмоннавозӣ ва меҳрубониҳои тоҷикон, баръакс, дар гуфтаҳояш ҳамаи онҳоро ба риштаи тамасхур кашид.

Мӯҳр

Хабарҳои монанд:

аҳмадчон

дуъо мекунам ки ҳечгоҳ озодиро набинад то охири умраш дар паси панҷара бошад омин

Ҷавоб диҳед Иқтибос Шикоят

Куми таи чавонони Точикистон хамин хайвонсифатро хамчун мехмони оликадр ба Точикистон даъват намуда уро хеле зиефат кард. Пас аз он ба хукумат отчет доданд, ки мо коргарони кумита дили скинхеди русро ба даст овардем ва у дигар ба гастрабайтерхои точик дар нахохад афтод. Хамин коргарони кумита ягон нангу номус доранд е не?

Ҷавоб диҳед Иқтибос Шикоят

Нюренбург

Ин чи хел додгох.Инхел фашистора бояд якумра зиндони мекарданд.

Ҷавоб диҳед Иқтибос Шикоят

8 МАРТ

ИН ТЕСАК ФАМИЛИЯАШ ЯХУДИ АСТ КУ.ИН ТЕСАКРО МАХСУС АМРИКОИХО ТАЙЕР КАРДААНД.

Ҷавоб диҳед Иқтибос Шикоят

Muslim

Кали бешараф дар зиндон пусидарави ИншаАллох

Ҷавоб диҳед Иқтибос Шикоят

рус не

Ин яхудии курнамакро ба зиндони Точикистон интикол додан лозим аст. Гар аз мехмоннавози ношукри кард то бичашад зиндонашро.

Ҷавоб диҳед Иқтибос Шикоят

асад

Кадом "Маркази имиҷсозӣ барои Тоҷикистон" ??? Дар кучо чойгир шудааст?

Ҷавоб диҳед Иқтибос Шикоят

Шамс

Маркази имичсози, пеш аз он ки ба коре икдом кунед, масъаларо бехтар омузед. Дар Интернет хамаш хаст ку. Ягон фашист бо хурдани нони "одами нажоди паст" фикрашро тагир намедихаду аз идеологияи худ намегардад. Ин як ахмаки буд, ки уро даъват кардед ва аз хомию тангназарии шумо хабар медихад. Касе ки гумон дорад, мо барои фашистон хамхуну хампо хастем, хато мекунад. Ин танхо афсонае буд барои такон додани буну бехи Шурави. Мо хам барои онхо пастони олудахунем.

Ҷавоб диҳед Иқтибос Шикоят

Эзоҳ илова кунед