Русский  >>  فارسی  >>  Ҷумъа 23 феврал 2018, 15:38

Ҳақиқати воқеаҳои февралии 1990 дар сӯҳбати Бӯрӣ Каримов

19 август 2014, 14:28

Бӯрӣ Каримов, роҳбари котиботи Шӯрои байнидавлатии роҳсозони кишварҳои узви ИДМ (СНГ) ва ҷавонтарин вазири тоҷик дар охирин рӯзҳои Шӯравӣ, дар маҳфили навбатии Бунёди “Гуфтугӯи тамаддунҳо” аз ҳақиқати баҳманмоҳи хунин суҳбат хоҳад кард. Ин маҳфил рӯзи 22 августи соли ҷорӣ дар толори маркази тиҷории “Пойтахт” дар Душанбе баргузор мешавад.

Иброҳим Усмонов, раҳбари Бунёди “Гуфтугӯи тамаддунҳо” мегӯяд, дар ин суҳбаташ Бӯрӣ Каримов бештар дар бораи ҳақиқат ва овозаи ҳодисаҳои февралии соли 1990 ҳарф хоҳад зад. Оқои Каримов, ки он вақт ба ҳайси муовини раҳбари Шӯрои вазирони Тоҷикистони Шӯравӣ кор мекард, ба ташкили бетартибиҳо дар пойтахти кишвар муттаҳам мешуд. Баъд аз он воқеа ӯ аз вазифаҳои давлатӣ канор рафт ва то кунун берун аз кишвар, дар Русия, кору зиндагӣ мекунад.

Бӯрӣ Каримов донишгоҳи техникӣ ва давлатии миллии Тоҷикистонро хатм кардааст. Ҳоло доктори илмҳои техникӣ, профессор, академики Академияи нақлиёти Русия ва Академияи байналмилалии улуми иҷтимоӣ ва узви Иттиҳодияи рӯзноманигорон ва адибони Тоҷикистону Русия аст.

Ӯ соли 1987 дар 29-солагияш вазири сохтмон ва нақлиёт ва баъди ду сол раиси Госплан таъин гардида буд. Ҳоло дар Тоҷикистон созмони “Боргоҳи сухан” амал мекунад, ки муассисаш Бӯрӣ Каримов аст ва дар гузашта ҷоизаи таъсисдодаи ин маҳфилро Муҳаммадҷон Шакурӣ, Фарзона, Бозор Собир ва дигарон соҳиб шудаанд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хуб..гирья карданашро ки аз хизбу вазифа озодаш накунанд....накл кунад.хуб...агар чи як иштрокчии вокеиаи фочиавор бо тараканхои худ дар калааш накл мекунад.....чи фоида
Посух додан
  • Гила

  • 20 август 2014 08:07
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бурида донишу тачрибашда гапш кокаи. Лекин часуру богайрату миллатдуст мешуд, бо мо мемонд ва дар пастиу баландиёи миллат шарик мешид. Ин хел дар пахлуи Путин рост истода, хушомадгуи намекард.
Посух додан
  • Облокул Бах

  • 8 октябр 2014 07:45
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Точик бе ин хам кадре надорад.Фахр кунед,ки як точики боакл дар сатхи СНГ вазифа дорад ва уро хурмат карда точик мегуянд.Вокеъан ин пантуркистон точиконеро,ки босаводанд чашми дидан надоранд!

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!