21 авг 2014 17:39Тоҷикистон / Фарҳангу адаб

"Эхо Дидор" баъд аз "Didor"-и Душанбе дар Конибодому Панҷакент

Синамобазми шашуми байналмилалии “Дидор” дар пойтахти Тоҷикистон рӯзи 16 октябри соли ҷорӣ оғоз шуда, то 20-уми ҳамин моҳ идома хоҳад кард.

Сафар Ҳақдодов, раиси Иттиҳодияи синамогарони Тоҷикистон, ба “Озодагон” гуфт, дар фестивали имсола намояндагони Эрону Афғонистон ва кишварҳои Осиёи Марказӣ бо филмҳои худ иштирок хоҳанд кард. Ба қавли ӯ, эҳтимол дар ин синамобазм Тоҷикистонро филми нави Носир Саидов, раиси Тоҷикфилм ва чанд филми кӯтоҳ намояндагӣ кунанд.

Оқои Ҳақдодов афзуд, дар синамобазми шашуми “Дидор” дар Душанбе китоби Комил Ёpматов, ҳунарманд ва коргардони шинохтаи кино, ки бо забони тоҷикӣ таҳия шудааст, муаррифӣ хоҳад шуд. Раиси синамогарони Тоҷикистон илова кард, баъд аз ҷамъбасти “Дидор”-и Душанбе ният доранд, фестивали “Эхо Дидор”-ро, ки он ҳам аз намоиши филмҳо иборат аст, дар Конибодому Панҷакенти вилояти Суғд баргузор намоянд.

Ёдовар мешавем, панҷумин синамобазми байналмилалии “Дидор” дар соли 2012 бо муаррифии Қомус ё энсиклопедияи синамои тоҷик оғоз гардида буд. “Қомуси синамои тоҷик”-ро, ки аввалин маҷмӯаи илмӣ ва таърихӣ дар соҳаи синамо аст, Саъдулло Раҳимов ва Галина Элбаум давоми чор сол таълиф кардаанд. Он аз 500 саҳифа иборат буда, бо пуштибонии молии Бунёд (Фонд)-и Сорос чоп шудааст.

Мӯҳр

Хабарҳои монанд:

Катун

Дар мукоиса ба кишвархои Осиёи маркази ва Ирону Афгонистон, ки дар маркази ягонаи фарханги карор доранд, синамогарони точик хело хам пассив хастанд. Номаш шабакахои телевизиони точик, аммо хамаи филмхои таблиггари фарханги Русу, Амрико ва Гарб. Дар шабакаи "Бахристон", ки дар хакикат шабакаи оилави шудааст, филмхои бачагони давраи Истиклол кариб ба чашм намерасад.Наход, ки мо акаллан аз афсонахои халки точик, ки теъдодашро хисоб кардан гайриимкон аст, ягон мультик истехсол карда натавонем. Кудакони мо бошанд, шабу руз: Маша и медвед, Том и Черри ва Ну погоди !

Ҷавоб диҳед Иқтибос Шикоят

Эзоҳ илова кунед