02 сен 2014 08:13Оcиёи Марказӣ / Узбакистон

Нопадид шудани ректори донишгоҳ, дӯсти духтари президент

Бо гузашти якуним ҳафта аз ғайб задани ректори Донишгоҳи давлатии Урганҷ ба номи Ал-Хоразмии Узбакистон ҳанӯз аз ӯ дарак нест, хабар додааст Ҳаракати мардумии Узбакистон.

Якбора нопадид шудани Рӯзимбой Эшҷонов, доктори улуми биологӣ сару садоҳои зиёдеро ба миён овардааст. Тибқи бархе овозаҳо, ӯро кормандони амниятӣ бо иттиҳоми гирифтани пора дар ҳаҷми ниҳоят калон боздошт кардаанд. Аммо чунин иттилоъ низ ҳаст, ки Эшҷонов қабл аз он ки дастгир шавад, тавониста қаламрави Узбакистонро тарк намояд.

Прокуратураи вилояти Хоразм тасдиқ кардааст, ки алайҳи ректор парвандаи ҷиноӣ боз шудааст. “Бино ба маълумоти раёсати Хадамоти амнияти миллӣ, Эшҷонов пайваста пора гирифта, онро дар ҳисоби бонкияш дар бонкҳои Аврупо мегузоштааст. Ба ҷуз ин, ӯ дар Фаронса, Белгия ва Швейтсария манзилҳои боҳашамат харидорӣ кардааст”,-гуфтааст як корманди прокуратура.

Торнамои Ҳаракати мардумии Узбакистон аз нақли ин корманди додситонӣ гуфтааст, раёсати амният ва прокуратура қаблан аз ҷиноятҳои ректор огаҳ буд, аммо бо далели дӯстияш бо Гулнора Каримова, духтари калони президенти Узбакистон алайҳи ӯ чорае намеандешид. “Эшҷоновро худи Гулнора Каримова ҳифз мекард. Ректор ҳангоми сафари духтари президент ба Хоразм пайваста ӯро ҳамроҳӣ мекард ва бо ин васила муносибаташро бо вай мустаҳкам намуд”,-афзудааст манбаъ.

Рӯзимбой Эшҷонов моҳи январи соли 2007 ректори Донишгоҳи Урганҷ таъин шуд.

Мӯҳр

Хабарҳои монанд:

Номвар Курбон

Диктатураи Исломи Каримови точики узбакшуда, боз сари як нафар олими сохаи биология ва рохбари як муассисаи бонуфузи таълимию илмиро мехурад. Аз номи олим эхтимол меравад, у низ точик аст. Дод аз дасти диктатураи хамояи берахму шафкат........

Ҷавоб диҳед Иқтибос Шикоят

Ahmad

ин мард шакли Тоҷик дорад ва ҳеҷ ба Yзбак монанд нест. Ин шахс шояд дар yмраш пора нагирифта бошад вале қурбони сиёсати золимонаи Каримов ва амниятиҳои хyнхори ин кишвар шyдаст. Дод аз инхел низоми зиди инсони

Ҷавоб диҳед Иқтибос Шикоят

Аз Хучанд

Ин хоразмихо точикони забонгумкарда хастан як кисмаш ва кисми дигараш туркманхо ки дар паспорташон узбак навишта шудааст.. дар Россия дида будам ки туркманои хоразм узбакора бад медиданд..

Ҷавоб диҳед Иқтибос Шикоят

точик

Ahmad,
хамин хеле гуфти бародар, ки "как будто" точикон пора намегиранд. як духтарчаамро ба садик мондам, то дар се-чор чо пора надодам масъалааш хал нашуд. Дар Точикистон Худо кунад, ки ин аъмоли бад пурра дар хама сатххо аз байн биравад.

Ҷавоб диҳед Иқтибос Шикоят

Эзоҳ илова кунед