07 сен 2014 02:29Тоҷикистон / Фарҳангу адаб
АКС: “Паймон”, хиёнат, мунтахаби Олмон ва филмҳои туркӣ
“Паймониҳо” исбот карданд, ки ҷавонон метавонанд;
“Паймониҳо” собит сохтанд, ба синамои тоҷик мешавад бовар кард;
“Паймониҳо” нишон доданд кинои хуб тамошогар дорад;
“Паймониҳо” тавонистанд филме бисозанд, ки одамони зиёд соатҳо зери таъсири он боқӣ бимонанд;
“Паймониҳо” ваъда доданд, пойбанди паймонанд (паймонашон талош барои ба сатҳи ҷаҳонӣ расондани синамои тоҷик аст);
“Паймониҳо” собит сохтанд, ба синамои тоҷик мешавад бовар кард;
“Паймониҳо” нишон доданд кинои хуб тамошогар дорад;
“Паймониҳо” тавонистанд филме бисозанд, ки одамони зиёд соатҳо зери таъсири он боқӣ бимонанд;
“Паймониҳо” ваъда доданд, пойбанди паймонанд (паймонашон талош барои ба сатҳи ҷаҳонӣ расондани синамои тоҷик аст);
Дар Душанбе нахустнамоиши филми “Паймон” баргузор шуд.
“Паймон”-е ки паймонаи умед ба ояндаи неки синаморо лабрез кард. Ба ҳадде ки ҳатто гуфта шуд, афзоиши филмҳое дар ин сатҳ бозори сериалҳои туркиро танг мекунад.
“Паймон” бори аввал бегоҳи 6 сентябр дар экрани калони Кохи Ҷомӣ ба намоиш баромад. Филмеро дар ин сатҳ дар жанри мелодрамма ва детектив, синамои баъди истиқлоли тоҷик шоҳид набудааст. Бо тамошои чанд лаҳзаи бештари филмҳои тоҷикӣ аллакай медонед, он чӣ гуна поён меёбад, аммо “пешгӯиҳо”-ятон дар “Паймон” ҳамеша ғалат хоҳанд буд. Бахтиёр Каримов сенарияи филмро он гуна навишта, ки гӯӣ маҳсули эҷоди кадом детективнависи маъруфи ҷаҳонист. Муҳиддини Музаффар ин сенарияро бо диди тозаи коргардонӣ таҳия ва Наврӯз Саидов бо маҳорати баланд наворбардорӣ кардаанд.
Сироҷиддин Ғафурӣ ва Таҳмина Раҷабоваро гӯиё модарҳошон барои нақшофарӣ дар ҳамин филм таваллуд кардаанд. Ҳунари Қурбони Собир ҷои гап надорад: чун ҳамеша дар кори худ устод аст. Хуршед Мустафоев қаҳрамонест, ки давоми ду соати филм аҳли толорро маҷбур кард, чанд маротиба каф бикубанду “офарин”-у аҳсант”-у “браво” садо бизананд. Умуман, ин се вожаро бо иловаи чандин калимаҳои хуби дигар метавон унвонии бозандагони дигари филм, наворбардору продюсер, рассом, басаҳнагузорандаи ҷангҳо, оҳангсоз, садобардор ва дигарон гуфт. Бинанда мавҷудияти як тими комилу фаъол дар сохтани ин филмро зуд эҳсос мекунад. Муҳиддини Музаффар ҳам қабл аз оғози намоиш пирӯзии мунтахаби Олмон дар Ҷоми ҷаҳонии футбол дар Бразилияро ба тим будани онҳо бастагӣ дод. Ба гуфтаи ӯ, шахсиятҳои алоҳида ҳарчанд маҳорати хуб доранд, то дар як тими комил муттаҳид нашаванд, корашон таъсиргузору самаровар нест.
Филм дар мавриди азҳампошии як хонавода қисса мекунад. Оилае, ки ба назар мерасад аз хишти муҳаббати самимӣ ва андоваи паймони содиқ будан ба ҳамдигар бунёд шудааст. Ҷавон дар рӯзи тӯйи арусӣ ваъда медиҳад, барои беҳтар шудани зиндагӣ ва хушбахтии ҳамсараш тамоми корро анҷом медиҳад. Вақте чанголи бекорӣ ва нодорӣ аз гулӯяш мегирад, розӣ мешавад, ки занеро бикушад... Аммо ниҳояти кор, хиёнат, паймоншиканӣ...
Эҳсос мешуд, қарсакҳои задашуда барои филми мазкур самимӣ буданд, на барои “дастгирӣ”. Субҳон Ҷалилов, директори барномаҳои радиои “Ватан” баъди чанд соати анҷоми нахустнамоиш дар Фейсбук навишт, ҳанӯз натавониста аз зери таъсири амиқи “Паймон” раҳо бишавад. “Ташаккур барои Шумо! Чӣ хел ман дар толор хостам ба ҳама муроҷиат кунам: “Мардум, биёед, барои ин гуруҳи ҷавону боҳунару соҳибзавқ бархоста ва бардавом кафкубӣ кунем! Ҳамаатон беҳтарин будед ва дар толор ҳам касе ҳамин маъниро баён кард, ки “синамогарони тоҷик акнун бояд аз ҳамин сатҳ поин наоянд, фақат ба пеш!”
Чанд нафари дигар ҳам, ки киноро хуб мефаҳманд ва баъди анҷоми “Паймон” бо онҳо суҳбат кардем, мегуфтанд, аз ин баъд зинаи меъёр ҳамин бояд бошад ва филмҳои офаридашуда аз ин сатҳ поин таҳия нашаванд.
Қурбони Собир, ҳунарманди шинохтаи театру кино мегӯяд, кинои тоҷик, ки даврони Шӯравӣ дар қуллаи баланд менишаст, баъди истиқлол як замон рӯи сифр қарор гирифт. Ӯ афзуд, бо филмҳое назири “Паймон” мешавад гуфт, ки филми тоҷикӣ дигарбора қуллаи баландро нишон гирифта ва гомҳояш низ устуворанд. Дар ҳамин ҳол, ҳунарпешаи маъруфи театри ҷавонон гуфт, бовар дорад бо зиёд шудани филмҳое дар ин сатҳ, мардуми кишвар дигар пушти сериалҳои туркӣ намераванд. Ҳарфе ки бо кафкубии зиёд истиқбол шуд.
“Паймон” бо харҷи 225 ҳазор сомонӣ дар ҳамкорӣ бо телевизиони “Сафина” дар вилояти Суғд наворбардорӣ шудааст.
Коргардони филм: Муҳиддини Музаффар (Ҷӯраев);
Мушовир: Лутфулло Давлатзода - директори телевизиони “Сафина”;
Наворбардорон: Наврӯз Саидов ва Бахтовар Сафаров;
Пардозгар: Хуршед Мустафоев;
Ба саҳнагузорандаи ҷангҳо: Суҳроб Ҷанҷолов;
Ёвари коргардон: Далери Эмомалӣ;
Чароғмон: Фарҳод Тӯхташов;
Рассом: Абдуғаффор Умматқулов;
Оҳангсозон: Зайниддин Каримов ва Ҷовидон Рӯзиев;
Ёвари продюсер: Кароматуллои Нор;
Продюсер: Дилошӯб Орифзода;
Директори филм: Осими Орифпур.
Коргардони филм: Муҳиддини Музаффар (Ҷӯраев);
Мушовир: Лутфулло Давлатзода - директори телевизиони “Сафина”;
Наворбардорон: Наврӯз Саидов ва Бахтовар Сафаров;
Пардозгар: Хуршед Мустафоев;
Ба саҳнагузорандаи ҷангҳо: Суҳроб Ҷанҷолов;
Ёвари коргардон: Далери Эмомалӣ;
Чароғмон: Фарҳод Тӯхташов;
Рассом: Абдуғаффор Умматқулов;
Оҳангсозон: Зайниддин Каримов ва Ҷовидон Рӯзиев;
Ёвари продюсер: Кароматуллои Нор;
Продюсер: Дилошӯб Орифзода;
Директори филм: Осими Орифпур.
Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE) Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
