Русский  >>  فارسی  >>  Чоршанбе 22 май 2019, 22:55

Меҳмоншоҳ Шарифзода: Истиқлолро наметавон болои меҳнати муҳоҷирон бунёд кард

8 сентябр 2014, 15:26

Сайф САФАР

Суҳбати ихтисосии хабарнигори “Озодагон” бо Меҳмоншоҳ Шарифзода, докторанти Донишгоҳи Бергени Норвегия



"ОЗОДӢ ВА ИСТИҚЛОЛИЯТРО ҲАНӮЗ БО НОМ ДОРЕМ"


Озодагон: Чун дар арафаи таҷлил аз Рӯзи Истиқлолияти Тоҷикистон қарор дорем, Шуморо табрик мекунам ва суоли нахустин ҳам дар мавриди Истиқлолият аст. Дар мавриди истиқлоли Тоҷикистон ва шеваи ба даст омадани он баҳсҳо зиёд аст. Гуруҳе онро як чизи безаҳмат ва муфт унвон мекунанд ва ҷойе хондам, ки онро “тарошае аз бом” ҳам гуфтанд. Шумо чӣ назар доред?

Меҳмоншоҳ Шарифзода: Шумо, кормандон “Озодагон” ва кулли Озодагони Тоҷикистонро бо ҷашни Истиқлол табрик мегӯям! Бале, озодӣ ва истиқлолиятро ҳанӯз бо ном дорем ва барои пурра мустаҳкам кардани он кор бояд кард. Фикр мекунам, барои шинохти истиқлолият дар як матн (контекст) ба ин савол ҷавоб бояд ҷуст, ки “кӣ тасмим мегирад ва то куҷо дар тасмимгирӣ озод аст?”. Ва ин масъаларо дар ҳолатҳои фавқулодда, дар масъалаҳое, ки ба ҳаёту мамоти мардуми мо дахл доранд шинохтан мумкин аст.

Масалан, барои сохтмони Роғун ҳарчанд мо ҳақ ҳастем, вале мушкилоти дохилӣ ба мо имконияти дар сатҳи байналмилалӣ гуфтани ҳарфи равшани худро намедиҳад. Мо тасмим гирифта наметавонем ва дастнигари дигаронем, то барои мо тасмим бигиранд. Барои дар дунёи имрӯз мавқеъ ва фазойи мустақили сиёсии худро доштан ва тасмим гирифтан тавонистан, бунёди ин фазоро сохтан даркор аст. Барои ин чанд технологияҳо дар як вақт дар ҳамоҳангӣ дар мамлакат бояд дар кор бошанд, ки ҳамоҳангии худӣ (шахсиятҳо) - ҳақиқат (арзишҳо, идеяҳо ва идеалҳо)- қудратро дар роҳи ҷаҳонсозӣ ва фазосозӣ ба вуҷуд оварда тавонанд.

Пеш аз ҳама, фикр мекунам, ин барқарор кардани иқтисод, саноат ва хоҷагии қишлоқи мустаҳками ба илм ва технология такякунанда аст. Фазойи солими меҳнатӣ, ҷойи кор ва шароити зисти инсонӣ ин зиннаи аввали истиқлол аст ва истиқлолро наметавон болои меҳнати муҳоҷирон бунёд кард. Дуввум, иқтисод ва тарақиёти муносибати озоди бозорӣ имкони ба вуҷуд омадани ниҳодҳои солими амалкунанда дар ҷомеа ва аз ҳама муҳим боиси шаклгирии як фазойи ҳуқуқӣ, сиёсӣ ва фарҳангие мешавад, ки ҳама ба маҳдудаҳои маҳаллӣ, мазҳабӣ, миллии худ нигоҳ накарда, имкони муносибати баробар ва озодро пайдо мекунанд. Бубинед, имрӯз дар Тоҷикистон мардуми музофот ва маҳалҳои гуногуни Тоҷикистон ба таври сунъӣ муттаҳид шудаанд, ваҳдати воқеӣ нест, ки ин кори хайр набуда, аз ин ҳолат ҳар як сиёсатбози навбатӣ метавонад ба фоидайи худ истифода кунад.

Сеюм, вақте ки сиёсати амалӣ аст дар фазойи солим метавон бишиносем, ки дар ин раванд то куҷо ҳақ ҳастем ва он гоҳ идеологияи воқеии мо метавонад шакл бигирад. Мутассифона дар мо, аз сабаби он ки барои истиқлолият мисли мардуми назди Балтик мубориза набурдем ва он ба гуфти собиқ президенти кишвар раҳматии Раҳмон Набиев “мисли метеорит ба сарамон афтид”, ҳанӯз ҳам маризиҳои таърихӣ вуҷуд доранд ва истиқлоли мо сахт заиф аст. Ҳатто баъди сулҳи Тоҷикон ҳам сиёсатмадорони тоҷик ба ду чизи ниҳоят муҳим содиқ намонданд: ба бахшиши воқеии тарафайн ва ваъдаҳои додаи худ. Ва ин ҳолат боиси ба таври сунъӣ нигоҳ доштани вазъи фавқуллода дар баробари як қисмати мардуми худ гардидааст.

Ҳанӯз як гуруҳи болотар аз қонун ва бар хилофи қонун нисбат ба гуруҳи дигари аз сиёсат дур кардашуда ҳар гуна тасмиме, ки мехоҳанд, мегиранд. Хулоса ин ҷо, истиқлолро (озодиро) гуруҳе, ки маҳдудиятҳои авлодӣ ва маҳаллӣ доранд моли худ кардаанд, як қисми дигар танҳо шиорбардор ва саногӯйи ин гуна истиқлоланд ва аксарият дар муҳоҷират ва ё дар кишвар заҳмат мекашанд, то ин «истиқлолият»- и танҳо барои як гурӯҳ ва «орзӯ» барои аксарият нигоҳ дошта шавад. Ин ҷо баъзе ҳарфҳо сахт заруранд ва бисёр хуб мешуд ки ба гӯши мардум бирасанд, он чунон ки навишта шудаанд.

МАҒЗҲОИ МИЛЛИИ САТҲИ ҶАҲОНӢ ВА “МАҒЗҲОИ ҶАҲОНИИ” САТҲИ МУЗОФОТУ МАҲАЛ

Озодагон: Шумо дар мавриди “худӣ”зиёд менависед. Мехостам, бори дигар дар чанд ҷумла “худӣ”-ро таъриф (define) кунед.

Меҳмоншоҳ Шарифзода: Мутассифона, ин мафҳумро ба чанд ҷумла муайян кардан мушкил аст. Аслан «худӣ» (the self ё moi ба фаронсавӣ) мафҳуми илмист, ки имрӯз махсус дар уллуми иҷтимоӣ зиёд истифода мешавад. «Худӣ» – ро дар забони тоҷикӣ аз “манӣ”, “маният” ва “худ”- е ки дар таркиби калимаи “худпарастӣ” аст, фарқ бояд кард ва ин маънии (ҷавҳар ё нуқта) амиқ ва пурзарфиятест, ки муносибату бархурди инсонро бо олами атроф ва бо дигар мардум, идеяҳо, чизҳо, руйдодҳо ва бо худи инсон муайян мекунад. Ва бо истифода аз ин маънӣ, яъне худӣ, метавон аз раванди ташаккули шахсият ва ё ҷомеа вобаста ба бархӯрдашон бо “ғайр” ё “дигар” (other, object…) ё мушкилоти дигари дар баробараш буда огоҳ шуд ва ин равандро ба осонӣ дид.

Таҷрибаи Ғаззолӣ ва ин ки ӯ дар китоби эътирофии худ дар бораи он ки чӣ гуна ду буҳрони равонӣ-эпистемологиро аз сар гузаронд, метавонад мисоли хубе барои донишҷӯён дар масъалаи шинохти «худӣ» бошад. Албатта Ғаззолӣ худ ин мафҳумро истифода накардааст, вале раванди тағйирёбии шахсият ва ҷаҳонбинии ӯро вобаста бо дигаршавии таҷриба ва дониши ӯ дар роҳи ҷустуҷӯи ҳақиқате, ки дар пайяш буд метавон равшан дид, ки ин нуқтаи тағирёбиро «худӣ» мегӯянд. Ва ин чизро дар китобҳои эътирофии Ғаззолӣ, Тусӣ ва дигарон дар масъалаи шинохт равшан дидан мумкин аст. Бахусус дар Ғаззолӣ таҷрибаи чӣ тавр “маният”-и (эгоизм) дар зери таъсири бозиҳои сиёсӣ ва идеологии вақт ташакуллёфтаашро мешиканад, омӯзанда аст.

Фикр мекунам, шинохти ин маънӣ ва ё ин нуқта, имкони беҳтари ба таври илмӣ-танқидӣ назар доштан ба тафаккури гузашта ва имрӯзаро фароҳам меорад. Аз мутафаккирони имрӯзаи дунё мисол зиёд овардан мумкин аст, масалан, Мишел Фуко ва дигарон, ки аз ин мафҳум истифода карда муносибат ва таъсири қудрат ва донишро дар шаклгирии маънавиёт ё шахсияти мардум таҳқиқ кардаанд, ки чӣ тавр ба ин восита мардум мавриди истифодаи қудратҳо мегарданд.

Озодагон: Оё такя кардан ба “худӣ” воқеан ҷомеаи моро беҳбуд мебахшад?

Меҳмоншоҳ Шарифзода: Фикр мекунам, ки чун «худӣ» мафҳуми калидии шинохт (cognition) аст, аз ин рӯ мафҳуми калидӣ барои ташаккули шахсият, ҳақиқат, қудрат ва ҷаҳонсозӣ ва фазосозӣ ҳам ҳаст. Бо ин мафҳум сатҳ ва мавқеи худро дар ҷомеа ва ё дар матни ҷаҳони имрӯза муайян кардан ва ба ин восита ба раванди созандае аз таҷриба ва дониш дохил шуданамон мумкин аст, ки тавонем барои худ дар ҷаҳони имрӯз фазое созем. Масалан, шинохти мавқеи худ баъди пош хурдани Иттиҳоди Шӯравӣ ва шинохтани дигарон (others), ки дар муайян кардани муносибатамон бо дигарон сахт зарур аст, то тавонем дар дунёи имрӯз дар баробари дигарон он ашёи сохтмонӣ набошем, балки ҳамчун як субъекти мустақил бо дигарон муносибат карда тавонем. Ва барои ба ин сатҳ расидан, ки бо дигарон муносибати баробар дошта бошем ва то аз мо ҳар чиз насозанд бояд шароитеро барои инсонҳои дорои фикри озод ва мустақил ба вуҷуд оварда тавонем. Ин масъалаи тарбия, мактаб, маориф ва доштани ҷомеаи солим аст.

Мутаасифона, имрӯз дар Тоҷикистон аз чорчубаҳои ҳақиқат, ки дар давраи шуравӣ буд, баромада натавониста истодаанд ва мустақилияти фикрии худро надорем. Ниҳодҳои илмӣ-таҳқиқотӣ сахт заифанд ва ниҳодҳои қудратиро дида истодаем, ки ба чӣ корҳо машғуланд. Фикр мекунам ҳанӯз, ки фурсат ҳаст фазои солими созандаро барои ташаккули фардият, ҳақиқат ва қудрат дар Тоҷикистон ташкил кардан даркор, то тавонем дар дохил ва дар берун ҷаҳони худро сохтан. Ва инҷо мағзҳои миллии сатҳи ҷаҳонӣ заруранд на “мағзҳои ҷаҳонии” сатҳи музофоту маҳал.

"ЗИЁӢ ҲАМЧУН ҚИШРИ НОМУСИИ ҶОМЕА ДИГАР ВУҶУД НАДОРАД"

Озодагон: Шумо ҳамеша зиёиёни тоҷикро ба чолиш мекашед. Мушкили Шумо бо онҳо дар чӣ аст?

Меҳмоншоҳ Шарифзода:
Шахсан бо ин қавм ягон мушкиле надорам. Ҳанӯз бар ҳамон ақидаам ки ду сол пеш будам, зиёӣ ҳамчун қишри номусии ҷомеа дигар вуҷуд надорад. Ва аз он насли “филолог-шарқшинос-философ-таърихчӣ–амниятӣ–зиёиҳо”, ки дар давраи шӯравӣ бо номи интеллегентсия таёр карда мешуданд, кам инсонҳои дорои фикри мустақил мебарояд.

Имрӯз ҳам дар ҷомеа ҳамин гуна «зиёӣ»- ҳо бо тақдири мардум бозӣ карда истодаанд ва он гуруҳе, ки огоҳӣ доранд аз тарс ва аз тамаъи ҳарф ба бофтани «пардаҳои зангорӣ» (Ҳофиз) машғуланд. Дар давраи шӯравӣ ин мутахассисон мисли як ронандаи трактор, барои як кор сохта мешуданд ва бояд аз маҳдудаҳои он касб берун намеомаданд, яъне аз хати кашида дуртар парвоз мекарданд, парашон месӯхт. Мисле ки дар Қуръон Худованд аз фариштаҳо ёд мекунад, ки дар фарқият аз инсон, ки қобилият ва қудрати шинохти ашё ва номгузории онҳоро дорад, фариштаҳо танҳо барои як кор офарида шудаанд. Яъне, инсон аз азал истиқлоли фикрӣ дошт ва дорад ва имрӯз ин «фаришта –мутафаккирон»-и мо, исбот карданд, ки ба сатҳи академикӣ расиданд, вале аз шуури музофотӣ–маҳаллии худ ҷудо нагаштаанд. Имрӯз бештар бо сиёҳ кардани якдигар аз рӯйи маҳал машғуланд. Ҳамин “файласуф –фариштаҳо” бо он, ки зарфият ва қобилияти шинохти таҷриба ва дониши ҷаҳони имрӯз ва инчунин шинохти таҷриба ва дониши сунатии худиро надоранд, вазъи ҷомеаи Тоҷикистонро бо муқобилгузории беҳудаи таърих бо фарҳанг, ақл бо имон, илм бо дин хароб карда, мардумро пароканда карда истодаанд.

"ЗАРУРАТЕ НАДОРЕМ, КИ БО ДИН ҶАНГ ЭЪЛОН КУНЕМ"

Озодагон: Шумо дар як матлаб аз “демократияи асили тоҷикӣ” ёд мекунед. Оё демократия ҳам бар ҳар навъ аст? "Демократияи асили тоҷикӣ" яъне чӣ?

Меҳмоншоҳ Шарифзода: Бадбахтона, мо имрӯз дар “воқеияти гап” афтодаем. Яъне, рамзҳои зиёдро истифода мекунем вале онҳо холиянд ва дар воқеияти мо ва дар ҳастии мо вуҷуд надоранд. Бубинед, имрӯз чорчӯбаи шӯравии сиёсӣ- фарҳангии Шуравӣ ҳанӯз боқӣ мондааст, ки шахсиятҳои алоҳида ва ниҳодҳои Тоҷикистон ба онҳо такя карда, арзи вуҷуд доранд, вале аз демократия ва либерализм ҳарф мезананд ва дар асл дар пайи корҳои шахсии худанд. Фикр мекунам, ин ҳама ботлоқро ба дарё ва ин ҳама оромона мурданро ба ҳаракати зиндагисоз табдил додан даркор.

Такрор ҳам шавад гуфтан даркор, ки ин ҳама мафҳумҳо ва мақулаҳо, яъне дин, дунявият, сиёсат, ваҳдат, истиқлол, демократия ва ғайра, агар маъние Меҳмоншоҳ Шарифзода: Истиқлолро наметавон болои меҳнати муҳоҷирон бунёд карддошта бошанд, бояд дар бунёди ҷомеа ва ҳастии Тоҷикон аз худ дарак диҳанд. Худӣ дар ташкил, баҳаморӣ ва инкишофи ин маъниҳо нақши асосӣ мебозад ва дар навбати худ ин маъниҳо агар солим бошанд барои камолёбии шахсият (худӣ) аҳамияти хос доранд. Аз он ки дар якҷоягӣ бо арзишҳои миллӣ-нажодӣ боз арзишҳо, идеяҳо ва идеалҳои исломӣ дар сохтмони худӣ (шахсият) ва фарҳанги тоҷикон нақши муҳим доштанд ва доранд ба мо имконият медиҳанд, ки ҷомеаи нави (modern) хешро дошта бошем ва дар раванди гуфтугӯ, муносибатҳо ва бархурдҳо дар таърихи имрӯзаи ҷахон шарик ва нақши худро дошта бошем. Яъне, воқеан соҳибистқлол бошем. Чунон ки демократияи мо аз демократияи дигарон фарқ бояд дошта бошад модернитии (дунёи нави мо) мо ҳам агар амалӣ шавад аз «дунёи нав»-и (modernity) дигарон фарқ хохад кард. Ва инро набояд фаромуш кард, ки дар ин муносибатҳои ҷомеаи мо бо дунёи мудерн, аслан дар кадом ҳолат, ки набошанд арзишҳои исломии мо нақши асосӣ мебозанд (варна дунё пур аз «ориёинажод» аст) чаро, ки арзишҳо динӣ- номусӣ дар таҳкими худӣ, фарҳанг ва миллати тоҷикон нақши муҳим доранд. Ва мо зарурате надорем, ки бо дин, бо худ, ҷанг эълон кунем - ва моро ба ин худбохтагӣ надоштани дониш ва таҷрибаи “худӣ” ва баъдан воқеаҳои ҷаҳонӣ ва таъсири қудратҳои ғайр метавонад водор кунад.

ПАЁМ АЗ ШИША ВА ОҚИБАТИ САҶДА БА МАНТИҚУ ТЕХНОЛОГИЯ

Озодагон: Шумо аз ҷомеаи Ғарб ба қадри кофӣ огаҳед ва медонед, ки он ҷо “андешаи дигар”-ро саркӯб намекунанд, яъне, фурсат медиҳанд ки ҳар гуна андешарониҳову мулоҳизаҳо дар ҷомеа бошанд. Ин чиз дар ҷомеаи мо, дақиқтар дар ҷавомеи мусалмонӣ камтар дида мешавад. Намунаашро дар чанд вокуниш бо китобчаи “Ҷаҳонбинии оянда”-и маҳфили “Ҷаҳони андеша” мебинем, ки Шумо ҳам яке аз онҳо будед. Воқеан ин гуна андешаҳои ба истилоҳ берун аз чаҳорчуб тавони расондани таъсири манфиро доранд?

Меҳмоншоҳ Шарифзода: Агар дар хотир дошта бошед, оддатеро, ки дар Ғарб баҳрнавардон дар даруни шиша паёмеро мефиристоданд, то баъди чанд вақт ба мардуме мерасид. Фикр мекунам, ин қавми «ҷаҳонбинии оянда» худ паёмеро гуфта истодаанд, ки садсолаҳо боз дигарон мегӯянд ва боз аз ҳама равшан дар ҷомеаи ғарбӣ дар асри ақлгароӣ ва маорифпарварӣ онро такрор карда буданд. Паёмест аз шиша. Ин ҳама такрори кӯдаконаи он чи аст ки гуфта буданд ва бубинед инҳо ақалан 30 дар сади он чиро ки Фридрих Энгелс сад сол пеш дар китобчаи худ «Людвиг Фейербах ва анҷоми фалсафаи классикии немис” гуфтааст, гуфта натавонистаанд. Ва ин муҳим нест, ки чӣ гуфтаанд ҳама ҳаққи гуфтан доранд, вале мушкил дар ин аст ки ин қавм тамоман аз воқеияти Тоҷикистон дур мондаанд, яъне онҳо худ дар даруни шишаанд (дар бутилка) ва дунёи берун аз шишаро дида натавониста истодаанд.

Аввал ин ки ин қавм бо камоли беномусӣ (номусро ҳам як гапи ом ва кӯча ҳисоб мекунанд) воқеияти ҳаррӯзаи худро рӯ ба рӯ шуда натавониста истодаанд ва аз он дар бораи он чи дар ҷомеаи Тоҷикистон ва ҷаҳон мегузарад ягон фикри нав надоранд; дигар ин ки аз таҷрибаи Ғарб ҳеҷ наомухтаанд, ки танҳо ақлро ситоиш кардан ва ба мантиқу технология саҷда кардан оқибати хуб надорад, имрӯз ин гуруҳ ба арзишҳои фарҳангии мардуми худ чун барзагов ба матоъи сурх ҳуҷум мекунанд, ки на хайр аст ва сабаби ин ҳама буҳрони фарогирандаро дар арзишҳои динии мардум мебинанд, вале наметавонанд дидан ва таҳлил кардан, ки чаро қонун амал намекунад, фасод аз куҷост, чаро меҳнат, ҷойи кор ва шароити инсонии зиндагӣ ташкил нашуда истодааст ва ин дар ҳолест ки онҳо хабар доранд, ки дар нуқтаҳои калидии вазоратхонаҳо ва ниҳодҳо мардуме истодаанд ки ба давлати дунявӣ будани Тоҷикистон имон доранд. Муҳим аст ёдовар шудан, ки ин қиссаи «ҷаҳонбинии оянда»-ро радиои Озодӣ дар саҳифаи интернетии худ бо номи “Оини мадоро” ба баҳс кашид ва худ ин ба ҳар инсони огоҳ маълум аст, фазое, ки мардуми тоҷик имрӯз зиндагӣ доранд чӣ гуна фазост ва дар ин гуна фазо радиои Озодӣ, баҳси охирин бехудоии ин қавмро байни мардуми “рӯ ба раҳми худо” мекашад. Аслан ин масъала дар ин ҷавоби кутоҳ матраҳ намешавад ва барои баррасии ин рӯйдод ба таҳлили пурратар ва мустақил ниёз дорем.


Шарҳи худро бинависед:

Ном:*
E-Mail:
Матни шарҳ:
Посух додан
  • saidali

  • 8 сентябр 2014 16:15
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
chun nadidand haqiqat rahi afsona zadan
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мусоҳиба ҷолибу хонданист. Андешаҳо дурусту мантиқианд. Танҳо як эроди кучак ба забони матлаб: Мо дар фарҳанги ҳазорсолаамон истилоҳи " истиқлолият" надоред ва ин калима таровиши фикрии афродест,ки саводи дурусти форсӣ тоҷикӣ надоранд. Корбурди он аз нигоҳи қавоиди забони форсӣ хандаовар аст. Бояд ИСТИҚЛОЛ гуфт ва ҳамин дигар!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Муҳтарам Меҳмоншоҳ!

Ба ин тарзе ки шумо бори дигар қазияи "ҷаҳонбинии оянда"ро бардоштаед, худ гувоҳи он аст, ки назарҳои дигарро таҳаммул карда наметавонед. Тибқи масал, алами Исоро аз Мусо гирифтаед. Агар мушкилие бо қудрату ҳукумати рӯз доред, бо онҳо рӯирост гӯед. Чӣ зарурат аст дар пардаи ғафси мавҳумот қасдгирӣ кардан!
Баъдан, агар мавқеи қавми "ҷаҳонбинии оянда"ро фаҳмидан хоҳед: Аввалан, аз забони ҷанг бипарҳезед. Мо қавме нестем, ки шумо мехоҳед. Сипас, мо ба демократияи якшаба бовар надорем. Шумо, ки англисидон худро мешуморед, як ифодае аст "overnight", яъне афсонаи тағйири якшабаро як сӯ гузоред, бародар. Бовар дорам, агар пешвоёни шумо, чун Кабирӣ ҳам сари қудрат оянд, даҳсолаҳо дар ғами авлодашон хоҳанд шуд, чунки ин қавми авлодпараст аст. Инро ҳамон донишмандони англису аврупоӣ дар мавриди Осиёи Марказӣ бозгӯ кардаанд, чун Роу, Коллинз ва дигарон. Агар мо дар "бутилка" бошему аз воқеият бехабар, онҳо ин ҷомеаҳоро даҳсолаҳо омӯхтаанд. Мо ба ин боварем, то тафаккури ин мардум иваз нашавад, онҳо дар банди ғуломӣ, қабила, авлод, мулло, шоҳ, бегона... мемонанд. Боқӣ ба инсофи шумо. Воқеан, мо номусро як мафҳуму падидаи хурофотӣ гуфтаем, аммо онеро ки шумо таърифу ташвиқ мекунед.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
( Фазойи солими меҳнатӣ, ҷойи кор ва шароити зисти инсонӣ ин зиннаи аввали истиқлол аст ва истиқлолро наметавон болои меҳнати муҳоҷирон бунёд кард. ) Бехтарин суханхо ахсан ба Шумо доктор курбони суханхои шумо .... saidali,
saidali,
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба фикри Шумо, мухтарам Хафиз, рози шудан хеле душвор аст. Агар мо хохем, ки тафаккури мардум иваз шавад, пас, бояд барои ин шароит фарохам овард. Яке аз роххои таквияти маърифати сиёсии мардум ивазшавии элитахои сиёси мебошад, то ки имконияти киёс ва хулосабарориро фарохам ояд. Агар он тавре, ки шумо фикр меронед, ба куввахои хануз ба сари кудрат наомада айби элитахои хукмрони хозираро бор кунем, мо ба чое намерасем. Чунин нигох хандаовар ва бемантик менамояд. Аз оппозистияи ракиби давлат тарошида, мардумро тарсонидан лозим нест. Оппозитсия ракиби Хукумат аст, на давлат. Ин арзишхоро ба мардум дуруст фахмонидан лозим, то ки хадди аккал насли нав фаъолу кобили таъсири созанда ба кудрати давлати ба воя расад. Танхо хамин маврид мо метавонем гуем, ки яке аз омилхои муайянкунандаи дарозумрии давлатдории точикон ташаккул ёфтааст…
Посух додан
  • .

  • 10 сентябр 2014 06:43
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Магар шарт аст дар кавс калимахои англисиро навишта худнамои кардан, ки ман англисидон хастам ва маро хурмат кунед. Ин менталитети точики (аниктараш кишлоки аст). Яъне, ки харчанд гапхоям бемаъни (bullshit) хам бошанд, лекин забони хоричи медонам ва бояд маро хурмат кард.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ҳафиз, Истифодаи вожаи "истиклол", ки решаи арабиасос дорад хамчун замина барои рахои аз тобеъияте касе ва ё давлате дар забони точик хеч номумкин аст. То холо мо бо решаи амики ин мафхум дуруст сарфахм нарафтаем, чи хочат ба нигохи файласуфона ба ин чашн. Бехтар мешуд рузи "миллат" ва ё ибораи дигар истифода мешуд
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Миллатдуст,Агар мо ба таърихи хазорсолаи ин миллат арч гузорем ва онро эхтиром дошта бошем хуб аст "Рузи эхёи милли ё миллат" гуем хато намешавад
Посух додан
  • Номвар

  • 10 сентябр 2014 12:28
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Рузи Истиклолият ба кулли мардуми шарифи Точикистон хумоюн бод!
Дар ин сухбат чаноби Мехмоншох фикру назари худро яктарафа ва мухлак баён кардааст, ки аз он ягон чизи лозимаро фахмидани хонанда гайриимкон аст. Чун ки Мехмоншох дар ин сухбаташ кинаву адоват, хусумату бадбини ва гаразхои шахсии худашро нисбат ба хукумату рохбарияти Точикистон ба сари аъзои "Чахони андеша" задааст. Дигар ин ки Шарифзода худашро хамчун забондон нишон дода, истилохотро ба забони англиси оварда, мардуми дигарро бесаводу нодон пиндоштааст. Саввум, ин ки Мехмоншох аз осори Газзоливу дигар намондагони классики ислом ва Энгельсу дигар файласуфони урупои сар-сари огох буда, андешаи хеч кадоми онхоро то умки масъала нафахмидааст. Ва агар мефахмид, ки Газзоли занро ба 14 хайвон баробар кардаасту мавчудияти занро хамчун инсон инкор кардааст, хеч гох аз у иктибос намекард. Шарифзода агар аз осори Энгельс хатто дар баробари як донишчуи олмони ё англис огох мебуд, он гох фикрашро ба чунин тарз баён намекард. Чи чои маник аст, дар арафаи Истиклолият бахси "Чахонбинии оянда"-ро бардоштан?. Ё Мехмоншох касди Исоро аз Мусо гирифтааст, ё Обро лойолуд карда мохи гирифтани шудааст.
Агар дар чомеаи мо 10 Мехмоншои дигар бошад, Точикистон Афгонистон Покистону Фаластину Сурияи дуввум дарача мешавад. Чун ки худи У вазъияти сиёсии кишварро ба назар нагирифта, мехохад чавононро ба мукобили давлату хукумат шуронад. Мехмоншох аслан, дар бораи мафхуми миллат тасаввурот надорад, чун ки миллати тасаввур намудаи вай аз махаллбозию исломзадагию бадбинии нисбати хамдигар иборат аст.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
., :))))))))))))))))))))))
Посух додан
  • Файзи Оли

  • 10 сентябр 2014 16:32
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мехмоншои чун! Агар Истиклолияту Озоди вокеан намебуд, дар Норвегия чи кор мекарди? Озодии байн набошад ба ин кадар тахкиру таъбизу тахдиди кардаат туро дар дигар чой интизор мешуданд. Аз Шумо чомеаи шахрвандии Точикистон кашфиётхои хосаи равонию ичтимоию фалсафи интизоранд!!!
Бо салому калом
Файзи Олии Валихосчи

Мехмоншох ба мехмони кам майл куну омада сохибхона шаву имкониятхои дохилие, ки дорем ба мушкилот табдил надеху Рогунро ба Маккаи Точикистон табдил бидех. Бо пули хочихое, ки дар давоми 23 соли Истиклолият ба фаидаи шайххои сауди рафтааст, 3 Рогун сохтан мумкин буд. Агар паёмрасони амине боши ба халку Ватан хидоят кун ба мардумро, ки Рогунро мукаддасоти милли эълон кунанд ва худу дигаронро аз гумрохиву гумроха берун каш. Чи хеле ки мегуянд:
Дилхуш аз онем, ки ба Хач меравем,
Гофил аз онем, ки кач меравем.
Агар хохи, ки рохи мардумро рост куни аз ин качию каждуми даст бикаш!
Бо самимияти хоса ба Шумо
Файзи Олии Валихосчи

Бародари азиз Мехмоншо!
Бале мо паёмеро мегуем, ки садсолахо дигарон гуфта истодаанд, аммо ба шакли нав ва диди нав барои насли наву созанда ва хушбин, на рухафтода.
Ба чи хотир мо чахонбинии алтернативаиро пешниход кардем? Ба он хотир, ки мардуми мусулмон ба як бор намефахмад. Барои мардуме ки асрхои аср, зери асорати дину фарханги араб гуломвор умр ба сар бурдааст чизи навро кабул кардан бисёр мушкил аст.
Ягон нафари мо аз вокеият дур нестем. Ин Шумоед, ки ба хотири хангома кардан рузноманигорони зиёдеро ба махфили мо овардеду бахси илмиро ба бахси сиёсиву расонаи табдил додед. Вокеан агар ба хукумати вакт мушкилие доред ба мо таъна назада руирост ба хукуматдорон иброз намоед. Ин мушкили Шумост, ки тахаммули андешаи дигаронро надоред.
Баъдан Шумо хама чизро аз дидгохи дини ислом бахогузори накунед, зеро хамаи динхо ба илму навовари мукобиланд.Дар асри 21 зарурате нест, ки аз умки таърих андешаи пусида ва афсонамонандро далел карда дигаронро ба гумрохи бари. Шумо аз Аврупо истода Точикистон, масоили ислому шариату сиёсатро аз дидгохи гарбиён бахогузори мекунед. Магар Шумо Аврупоигароед ё "Чахонбинии оянда"?! Намешавад, ки ба мамолики исломи раведу ин масъалахоро бо онхо матрах кунед? Шумо хуб медонед, ки ин андешахои асримиёнагии Шумо ба арабхо лозим нестанд.
Агар дилсуз ва рохнамои ин миллату ин сарзаминед ба Точикистон биёеду рохнамо шавед, на дар Аврупо истода таъна занед!!!!
Посух додан
  • firdavsi

  • 11 сентябр 2014 13:05
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бародари азиз Мехмоншо!
Бале мо паёмеро мегуем, ки садсолахо дигарон гуфта истодаанд, аммо ба шакли нав ва диди нав барои насли наву созанда ва хушбин, на рухафтода.
Ба чи хотир мо чахонбинии алтернативаиро пешниход кардем? Ба он хотир, ки мардуми мусулмон ба як бор намефахмад. Барои мардуме ки асрхои аср, зери асорати дину фарханги араб гуломвор умр ба сар бурдааст чизи навро кабул кардан бисёр мушкил аст.
Ягон нафари мо аз вокеият дур нестем. Ин Шумоед, ки ба хотири хангома кардан рузноманигорони зиёдеро ба махфили мо овардеду бахси илмиро ба бахси сиёсиву расонаи табдил додед. Вокеан агар ба хукумати вакт мушкилие доред ба мо таъна назада руирост ба хукуматдорон иброз намоед. Ин мушкили Шумост, ки тахаммули андешаи дигаронро надоред.
Баъдан Шумо хама чизро аз дидгохи дини ислом бахогузори накунед, зеро хамаи динхо ба илму навовари мукобиланд.Дар асри 21 зарурате нест, ки аз умки таърих андешаи пусида ва афсонамонандро далел карда дигаронро ба гумрохи бари. Шумо аз Аврупо истода Точикистон, масоили ислому шариату сиёсатро аз дидгохи гарбиён бахогузори мекунед. Магар Шумо Аврупоигароед ё "Чахонбинии оянда"?! Намешавад, ки ба мамолики исломи раведу ин масъалахоро бо онхо матрах кунед? Шумо хуб медонед, ки ин андешахои асримиёнагии Шумо ба арабхо лозим нестанд.
Агар дилсуз ва рохнамои ин миллату ин сарзаминед ба Точикистон биёеду рохнамо шавед, на дар Аврупо истода таъна занед!!!!
Посух додан
  • Шоди Атои

  • 11 сентябр 2014 18:34
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мењмоншо воќеияти таѓйирпазир шудани љомеаи љањонї, зиндагии асри ХХI- ро ба назар намегирад, барои он, ки намехоњад.
Мењмоншо дар њаќиќат гумон мекунад, ки мо кўдаконе њастем, яъне ќавми «Љањони андеша» ва «Љањонбинии оянда» чи гуна мусулмон (таслим шудан, сархам шудан)-и аљдодонро нахондаем ва аз њуљуми Ќутайба ибни Муслим ќатли ом шуданро огоњ нестем.
Не Мењмоншо! Дар асри ХХI инсонњо паёмро дар шиша не, балки бо телефону интернет ба якдигар вањй мефиристанд.
Дигар фалсафаи тавњидии Мењмоншо таблиѓ менамояд ва миллати тољик аз ноогоњї ва камхондагї дар гирдоби фарњангї вањшатзо ва дањшатофари метафизикии биёбонї дар он ѓўтидааст, ба кор намеравад.
Дигар исломизатсия ва арабизатсияи Мирбобо Миррањимњо, Мењмоншоњову фалону бењмадонњо дар Тољикистон ба кор намеравад.
Аз рўи навиштањояш, њадафи Мењмоншо танзими адолати иљтимої бо роњи исломисозии љомеа мебошад. Мењмоншо њамчун муќаллиди Ѓаззоливу Иќбол мехоњад аз худ модернисти исломї бисозад ва исломро дар Тољикистон эњё намояд.Ин роњ дар Тољикистон ба партобгоњи таърих парт карда мешавад!!!
Панисломизми худро дар зери ниќоби тасаввуфиён сар карда аз Мавлавї, Ѓаззолї, Иќбол пинњон менамояд. Рўшанфикри миллї дар асри ХХI бояд ба афкори пешбарандаи љомеа мусоидат намояд, на ба парастиши догмањои динї, зиёда аз он аз миллати бегона!!!
Посух додан
  • муҷоҳид

  • 12 сентябр 2014 01:55
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Абармағзони Ҷаҳони дар Шиша)))

Посух додан
  • ahmad

  • 14 сентябр 2014 02:57
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Меҳмоншоҳ бародар ба ин динситезон динбезорҳо камyнистони калахоли аҳамият надеҳy ба расондани сyхани ҳақy адл идома бидеҳ. Ин гyрyҳи бахил дар 80 соли ҳyкyмати шyрави коре барои инсоният накарданд ва имруз ҳам коре шоистае натавон кард. Ислом динест мутобиқи фитрати инсони ва ҷавобдиҳанда ба тамоми машокил инсони вале динситезони фyрyхташyда мо дарки ин воқеиятро надоранд. Мо миллати Тоҷик дар ҳар нафаси хyд шyкр мегуем ки саҳобагони бyзyргвор ба ватани мо ташриф овардандy аҷдодони моро аз гумроҳи ва оташпарасти наҷот дода ба дини мибини ислом таблиғ намyданд.
Ба қафо | Ба пеш

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!