01 окт 2014 11:54Тоҷикистон / Рӯ ба рӯ / Тема дня

Дастури Аҳмадзода барои лағви “облава” ва сафарбарсозии “бузургзодаҳо”

Дар шаҳри Хуҷанд, рӯйхати фарзандони мансабдорон таҳия гардидааст, ки дар сурати надоштани имтиёзе пеш аз ҳама ба хидмати ҳарбӣ равона хоҳанд шуд.

Тибқи иттилои дафтари матбуоти шаҳрдории Хуҷанд, ин нукта дар ҷаласаи васеи комиссияи даъвати тирамоҳии ҷавонон таҳти раёсати Раҷаббой Аҳмадзода, раиси шаҳри Хуҷанд таъкид гардидааст. Аҳмадзода ба раисони маҳаллаҳо дастур додааст, ки бо мақомоти додситонию умури дохилӣ ҳамкорӣ намуда, аз истифодаи роҳҳои зӯроварӣ ва “облава” зимни даъват худдорӣ намоянд.

Даъвати тирамоҳии наваскарон бо фармони раисиҷумҳури Тоҷикистон, Эмомалӣ Раҳмон имрӯз 1-уми октябр оғоз гардида, то охири моҳи ноябр идома хоҳад дошт. Эмомалӣ Раҳмон бо нашри фармон ба масъулин дастур дод, ки зимни интихоби наваскарон дақиқкор бошанд ва дар маъракаи даъват аз ташвиқу тарғиб истифода намоянд.

Мӯҳр

Хабарҳои монанд:

Амон

Э Рачаббой ако о хамон облаваи мегуфтагита милиса мекунад ку о бо онхо чи гуна хамкори кунанд. Бурда пул тием ки моро набаранд ми?

Ҷавоб диҳед Иқтибос Шикоят

душанбе

офарин ба Ахмадзода. агар ин навовариро дар дигар манотик махсусан дар шахри душанбе ки хамбида омадагиян ба хизмати ватан пешбари мекарданд, хеле оличаноб мешуд.

Ҷавоб диҳед Иқтибос Шикоят

Гулмирзо

"Дар шаҳри Хуҷанд, рӯйхати фарзандони мансабдорон таҳия гардидааст, ки дар сурати надоштани имтиёзе пеш аз ҳама ба хидмати ҳарбӣ равона хоҳанд шуд." хамаи онхо имтиёз доранд ва барои имтиёз доштан даъват намешаванд. Имтиёзашон ин аст ки падарашон мансабдор аст.

Ҷавоб диҳед Иқтибос Шикоят

Наим

Ин шахс худ 4 писар дорад. Агар у дар хакикат нангу номус дошта бошад хадди акал 1 фарзандашро мефиристонд хуб мешуд.

Ҷавоб диҳед Иқтибос Шикоят

Эзоҳ илова кунед