Русский  >>  فارسی  >>  Панҷшанбе 21 феврал 2019, 03:23

Миллионҳо доллар “доля”-и “Бахо-шакар” ба духтари президент

3 октябр 2014, 10:22

Гулнора Каримова, духтари бузурги раиси ҷумҳури Узбакистон, аз ширкати Баҳодур Каримҷонов, маъруф ба “Бахо-шакар” миллион доллар “доля” гирифтааст. Дар ин бора корманди яке аз ширкатҳои мутаалиқ ба Каримҷонов ба бахши узбакии Радиои Озодӣ - “Озодлик” хабар додааст.

Ба гуфтаи ӯ, духтари райиси ҷумҳур пайваста аз ширкатҳои Баҳодур “доля” мегирифт ва танҳо аз “Музимпекс” ҳаҷми он 5-6 миллион долларро ташкил медод. “Ҳар бадбахтие, ки бар сари Баҳодур Каримҷонов омад, ба хотири доштани равобити тиҷоратӣ бо Гулнора Каримова буд”,- гуфтааст манбаи “Озодлик”.

Баҳодур Каримҷонови 39-сола, ки бозори шакари Узбакистонро дар ихтиёр дошта, соҳиби чанд корхонаи коркарди меваю сабзавот, ширкати “Coca-Cola”, дармонгоҳҳо, ширкатҳои сохтмонӣ, муассисаҳои таълимӣ будааст, соли сипаришуда ин кишварро тарк кард. Додситони кулли Узбакистон ӯро таҳти пайгарди байналмилалӣ қарор додааст. Дар робита ба қазияи “Бахо-шакар” дар Узбакистон 4 нафар зиндонӣ шуда, 8 тани дигар фирор кардаанд.

Гулнора Каримова духтари калони Ислом Каримов, райиси Узбакистон аст, ки бино ба гузоришҳо тайи 7 моҳи ахир дар ҳабси хонагӣ ба сар мебарад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!