04 окт 2014 11:57Тоҷикистон / Иҷтимоӣ

Вакилон ва Иди Қурбон: Шабдолову Ватанов гусфанд, Ҳусайнӣ буз қурбонӣ мекунад

Забҳи буз, гусфанд ё гов яке аз махсусиятҳои Иди Қурбон аст. Қурбонӣ кардан барои ҳамаи мусалмонҳо воҷиб набуда, танҳо одамони доро онро анҷом медиҳанд. Зимнан, дар остонаи Иди Қурбон “Озодагон” аз чанд чеҳраи шинохтаи Тоҷикистон пурсид, ки қурбонӣ мекунанд?

Шодӣ Шабдолов, раиси Ҳизби коммунистии Тоҷикистон гуфт, иди Қурбонро эътироф мекунад ва ҳатман аз рӯйи тавони молиаш қурбонӣ хоҳад кард: “Аъзои оилаи мо намоз мехонанд, мо Иди Қурбонро эътироф ва аз анъанаҳои он пайравӣ мекунем. Рӯйирост мегӯям, ба гов зурам намерасад, ба гусфанди ҳисории 500 доллара низ, вале то он ҷое ки маошам мерасад, аз бозор гусфанд мегирам ва қурбонӣ мекунам”.

Сайидумар Ҳусайнӣ, вакили парлумон ва муовини аввали Ҳизби наҳзати исломии Тоҷикистон гуфт, бовар дорад, онҳое ки тавони молӣ доранд, тибқи фармуди дини мубини Ислом қурбонӣ хоҳанд кард. Худи ӯ, барои қурбонӣ буз харидааст: “Як ҳафта қабл бо ният як буз харидем. Иншоаллоҳ қурбонӣ мекунем”.

Суҳроб Шарипов, вакили парлумон ва раиси пешини Маркази тадқиқоти стратегии назди президенти Тоҷикистон гуфт, қурбонӣ намекунад. Маҳмадалӣ Ватанов, вакили дигари мардумӣ изҳор дошт, “гусфанд қурбонӣ хоҳад кард”.

Торнамои Turajon.org, веб-сайти хонаводагии бародарон Тураҷонзодаҳо қаблан, рукнҳои қурбониро шарҳ дода буд. Ба иттилои ин торнамо, ҳар нафаре, ки соҳиби 85 грам тилло ё тақрибан се ҳазор доллар аст, қурбонӣ кардан ба ӯ воҷиб мебошад. Ба навиштаи манбаъ, ба ин маблағ ашёи зиёдатӣ низ ҳисоб мешавад: “Шумо аз пули коғазӣ танҳо 500 доллар доред. Лекин либос, қолин, курпа ё ҳуҷраи зиёдатӣ ва ғайраро соҳибед, дар айни ҳол қарздор ҳам нестед, пас бар шумо қурбонӣ кардан ва додани садақаи фитр воҷиб мебошад”.

“Барои фарз шудани закот комил шудани соли қамарӣ шарт аст. Яъне, дар аввал ва охири сол бояд пули шумо ба қимати 85 гр тилло ва ё тақрибан 3 ҳазор доллар бошад. Вале дар вуҷуби садақаи фитр ва қурбонӣ пур шудани сол шарт нест. Ҳамин ки шумо шаби ид ва ё як рӯз пеш аз он соҳиби ин миқдор мол шудед, қурбонӣ кардан ва садақаи Фитр додан воҷиб мешавад”, - навиштааст Turajon.org.

Дар идомаи матлаб омадааст, шахси қурбоникунанда ихтиёр дорад, ҳамаи гӯшти қурбониро садақа ё дар хона барои аҳли оилааш нигоҳ дорад: “Аммо тибқи ҳадиси паёмбар (с) мустаҳаб аст, ки сеяки (33%) онро садақа бидиҳад ва сеяки дигарро барои меҳмонҳо ва ҳамсояҳо таом бипазад, сеяки дигарро пухта нигоҳ дорад”.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Як бандаи Худо

Дар сомонаи турачон.орг дарч гардидааст, 3 хазор доллар дошта боши курбони кунед. Лек суоле пайдо мешавад, ки агар ин микдор маблаг аз мухочират, аз гуломи, аз рохи гариби бошад, чи?

Ҷавоб диҳед Иқтибос Шикоят

Ustod az DDOT

Manam 1 MURG-ro qurboni mekunum!!! Chunki zurum ba buzam namerasa. Maoshora Rektor ziyod naardestay chota....

Ҷавоб диҳед Иқтибос Шикоят

ҷингилак

Худо қабул кунад. Ҳамин камбағалонро фаромуш накунед бсёр хуб мешавад дя.

Ҷавоб диҳед Иқтибос Шикоят

Эзоҳ илова кунед