Ифшои фасодкорӣ зимни гирифтани шиноснома ва ҳуҷҷати ронандагӣ
Оҷонсии мубориза бо фасоди молии Тоҷикистон аз ошкор шудани ҳолатҳои ғайриқонунӣ додани шиноснома ва шаҳодатномаи ронандагӣ хабар медиҳад.
Ба иттилои ин ниҳод, Нурмаҳмад Тошпулодов, масъули Шӯъбаи умури дохилии ноҳияи Исмоили Сомонии шаҳри Душанбе худро корманди БДА муаррифӣ карда, бо маслиҳати пешакӣ бо Ибодуллои Неъматзод аз шаҳрванд Аҳмадалиева барои гирифта додани шаҳодатномаи ронандагии дараҷаи “В” дар ду ҳолат 1150 сомонӣ гирифта, маблағро ба эҳтиёҷоти худ сарф кардаанд.
Оҷонсии мазкур инчунин аз боздошти Ситора Гуловаи 27-сола, нозири калони Хадамоти шиносномадиҳии шаҳри Ваҳдат хабар медиҳад. Манбаъ мегӯяд, хонуми Гулова дар гирифтани пора муттаҳам мешавад: “Ситора Гулова бо сӯйистифода аз ваколатҳои хизматиаш, барои тайёр карда додани шиносномаи хориҷӣ ба ғайр аз пардохти маблағи расман муайяннамуда, аз Холмуродов, сокини шаҳри Ваҳдат 350 сомонӣ талаб намудааст”.
Нисбат ба Нурмаҳмад Тошпулодов ва Ибодуллои Неъматзод тибқи моддаи 247, қисми 2-и Кодекси ҷиноятӣ ва нисбат ба Ситора Гулова бо моддаи 319 қисми 1-и Кодекси ҷиноятӣ парванда боз шуда, тафтишот идома дорад.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |