АКС+ВИДЕО: Дуои ҳоҷиёни тоҷик барои “Роғун”-у Раҳмон дар дашти Арафот
Кумитаи дини Тоҷикистон, ниҳоди танзимкунандаи сафари зоирини тоҷик ба Хонаи Худо мегӯяд, бозгашти ҳоҷиён ба Ватан аз рӯзи 9 октябр оғоз хоҳад шуд.
Афшини Муқим, сухангӯи Кумитаи дин рӯзи 7 октябр дар суҳбат бо “Озодагон” аз шаҳри Маккаи мукаррама гуфт, зоирини тоҷик дар дашти Арафот дар баробари адои намоз, инчунин барои давлату миллат, сулҳу субот дар кишвар ва ҳарчи зудтар бунёд шудани неругоҳи барқи обии “Роғун” дуо кардаанд.
“Маросими наътхонӣ ҳам баргузор шуд. Аз миёни зоирон ва роҳбаладон, муфтии мавсимӣ ва чанд зоири дигар дар васфи Худову Расул (с) наътхонӣ карданд. Дар поёни ин маросим ҳамагон даст ба дуо бардошта, дар ҳаққи райиси ҷумҳур дуои хайр намуданд”,-афзуд номбурда.
Ҳаҷ аз ҷумлаи аркони панҷгонаи дини мубини Ислом аст, ки барои ҳар мусалмони ба балоғатрасида ва тавонманд фарз мебошад. Ҳамасола аз Тоҷикистон ҳудуди шаш ҳазор барои зиёрати Хонаи Худо ба Макка мераванд. Ба иттилои Кумитаи дин, имсол беш аз 6 ҳазор сокини Тоҷикистон барои адои Ҳаҷ ба Арабистони Саудӣ сафар кардаанд, ки иштирок дар ин маросим барои ҳар нафар 18 ҳазору 164 сомонӣ хароҷот дошт. Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |