Вакилони Зайд Саидов боз се нафар шуданд
Бузургмеҳр Ёров ва Абдулқаюм Юсуфов, вакилони мудофеи шинохтаи тоҷик аз ҳуқуқҳои соҳибкори зиндонӣ Зайд Саидов ҳимоят хоҳанд кард. Дар ин бора Бузургмеҳр Ёров ба “Озодагон” хабар дод.
Ба тими адвокатҳои Зайд Саидов пайвастани Ёров ва Юсуфов дар ҳолест, ки аз се вакили дифои ӯ, танҳо Исҳоқ Табаров ба фаъолият идома дода, ду нафари дигар пушти панҷараанд. Фахриддин Зокиров моҳи март бо иттиҳоми пардохт накардани қарзи бонк ва Шуҳрат Қудратов моҳи июн бо иттиҳоми додани пора боздошт шуданд.
Эълони гирифтани ду вакили нав барои ҳимоят аз ҳуқуқҳои Зайд Саидов дар ҳоле аст, ки Агентии назорати давлатии молиявӣ ва мубориза бо коррупсияи Тоҷикистон аз иттиҳоми нав алайҳи ӯ хабар дод. Тибқи он собиқ вазири саноат дар сирқати 45 миллион сомонӣ маблағи буҷаи давлат айбдор мешавад.
Зайд Саидов, соҳибкори тоҷик, баъд аз эълони азмаш барои таъсиси ҳизби сиёсӣ моҳи майи соли 2013, ҳангоми бозгашт аз Фаронса боздошт ва моҳи декабр ба 26 соли зиндон маҳкум шуд. Мақомот пас аз панҷ моҳи маҳкумияти оқои Саидов эълон карданд, ки алайҳи ӯ бар асоси ду моддаи Кодекси ҷиноии Тоҷикистон - моддаҳои 245, қисми 4, банди “б” (азхудкунӣ ба миқдори махсусан калон) ва 340, қисми 2 (сохтакории ҳуҷҷатҳо) парвандаи нав боз кардаанд ва ҳоло тафтиши он идома дорад. Айбномаи наве, ки Зайд Саидов ҳангоми ошноӣ бо он ҳамаашро рад карда, мисли парвандаҳои қаблияш сохтаву бофта унвон кардааст. Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |