Ифшои шабакаи нашаъаҷаллобон ва “пуштибон”-ашон дар Кумитаи амният
Кумитаи давлатии амнияти миллии Тоҷикистон зимни амалиёти махсус як шабакаи байналмилалии нашъаҷаллобонро ошкор кардааст, ки аз ҷониби як афсари калони сарраёсати қушунҳои сарҳадии назди ин Кумита пуштибонӣ меёфтаанд.
Тибқи иттилоияи Кумитаи амният таҳқиқи ин гуруҳи нашъаҷаллоб 3 моҳ идома ёфта, муайян шудааст, ки онҳо ба интиқоли мухаддирот аз Афғонистон ба Тоҷикистон, Русия ва кишварҳои дигари Аврупо машғул будаанд.
Ба иттилои манбаъ зимни амалиёт 134 киллограм маводи мухаддир мусодира гардида, дар маҷмуъ 6 нафар, аз ҷумла як афсари калони қушунҳои сарҳадии назди Кумитаи давлатии амнияти миллӣ боздошт гардидааст, ки ба нашъаҷаллобон кӯмак намудааст. Боздоштшудагон иқрор кардаанд, ки мухаддиротро аз як гуруҳи мусаллаҳи 20 нафарӣ аз Афғонистон харидорӣ кардаанд.
Кумитаи давлатии амнияти Тоҷикистон таъкид мекунад, ки феълан алайҳи боздоштшудагон, аз ҷумла афсари марзбонӣ парвандаи ҷиноӣ боз шуда, тафтишот идома дорад.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |