VIDEO: Эбола – бемории аср, “тадқиқоти фашистон” ё вабо?
Созмони ҷаҳонии тандурустӣ ахиран ба Вазорати тандурустӣ ва ҳифзи иҷтимоии аҳолии Тоҷикистон тавсия дод, шаҳрвандони хориҷие, ки аз кишварҳои африқоӣ вориди Тоҷикистон мешаванд, аз муоинаи ҷиддӣ гузаронида шаванд. Ин тасмим барои ҷилавгирӣ аз бемории кушандаи эбола гирифта шудааст. Созмони ҷаҳонии тандурустӣ гуфтааст, дар сурати пайдо кардани нишонаҳои бемории эбола ба ду ташхисгоҳи байналмиллалӣ дар Фаронса ва Бритониё хабар диҳанд. Бино ба иттилои расида, мақомоти дахлдори Тоҷикистон ҳудуди 30 донишҷӯи африқоиро, ки дар донишгоҳҳои кишвар таҳсил мекунанд, аз ташхис гузаронда ва ба онҳо машварат додаанд, аз сафар ба зодгоҳи худ худдорӣ намоянд.
Эбола баҳори соли равон дар Гвинея пайдо шуда, дар Либерия, Нигерия ва Сйерра Леоне ҳам бурузи чашмрасе дорад. Таби баланд, хунравии дохилӣ ва берунӣ, гулудард, шикамравӣ ва дарди сар аз нишонаҳои аслии ин беморӣ мебошад. Ба иттилои расида, то имрӯз бар асари ин маризӣ наздики 4000 нафар фавтида, зиёда аз 8,5 ҳазор каси дигар азият мекашанд.
Мутахассисони соҳаи тиб мегӯянд, ҳарчанд эбола дар кишварҳои африқоӣ доман паҳн кардааст, аммо метавонад ба дуртарин кишварҳое бо шумули Тоҷикистон бирасад. Дар робита хабарнигори “Озодагон” аз сокинони пойтахт пурсид, ки дар бораи ин беморӣ чӣ медонанд?
Бархе аз пурсидашудаҳо гуфтанд, аз эбола тавассути ВАО ва интернет огоҳӣ пайдо кардаанд. Аммо бештари назардодаҳо изҳор доштанд, ки дар мавриди оломатҳо ва роҳҳои паҳншавии ин маризӣ чизе намедонанд. Як сокини пойтахт, ки худро Нисо муаррифӣ кард, эболаро “бемории аср” номид. Як меҳмони олмонии шаҳри Душанбе мегӯяд, “ин беморӣ аз шумо дур аст, аммо агар меҳмонон аз Африқо зиёд бошанд, лозим аст, барои пешгирии он омодагӣ бигиред”.
Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |