Лағви сафари Оқохони IV ба Тоҷикистон ва ташрифаш ба Қирғизистон
Сафари роҳбари исмоилиёни ҷаҳон – Шоҳкарим-ал Ҳусайнӣ, Оқохони IV, ки интизор мерафт, тирамоҳи соли равон аз Тоҷикистон боздид кунад, лағв гардидааст. Дар ин бора ба “Озодагон” як манбаъ аз созмонҳои Оқохон дар Тоҷикистон хабар дода, афзуд, ки аммо то ҳол санади расмӣ дар бораи лағви сафарро дастрас накардаанд.
Қаблан гуфта мешуд, ки Оқохони IV якҷо бо Эмомалӣ Раҳмон, раисиҷумҳури Тоҷикистон дар маросими оғози бунёди нерӯгоҳи барқии Себзор дар Бадахшон иштирок мекунанд, ки бо маблағгузории Бунёди Оқохон бунёд мегардад. Инчунин интизор мерафт, ки меҳмонҳои олимақом аз майдони сохтмони Донишгоҳи Осиёи Марказӣ дар Хоруғ боздид кунанд, ки бо 62 миллион доллари Оқохон бунёд ёфта, дар назар аст, ки дарашро барои донишҷӯён соли 2018-ум боз кунад.
Хабари лағви сафар ба Тоҷикистон дар ҳолест, ки мақомоти Қирғизистон аз сафари қарибулвуқуи Оқохон ба кишварашон хабар доданд. Масоили ин сафар дар мулоқоти Асилбек Жеенбеков, раҳбари парлумони Қирғизистон бо намояндаи Оқохон дар ин кишвар Шамс Қосим-Лакх баррасӣ шуда, Жеенбеков ҳавасмандияшро барои густариши ҳамкорӣ бо созмонҳои Оқохон баён кардааст. Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |