Русский  >>  فارسی  >>  Панҷшанбе 21 феврал 2019, 03:50

Ҳизби аграрӣ дар остонаи интихобот аз узвияти 441 аъзои нав хабар дод

3 ноябр 2014, 08:51

Ҳизби аграрии Тоҷикистон (ҲАТ) мегӯяд, дар ҷараёни сафари кории Рустам Латифзода, муовини аввали раиси ин ҳизб ба вилояти Суғд сафаи аъзоёнаш бештар шудаанд.

Тавре аз дафтари матбуотии ҲАТ гуфтанд, ин сафар 20 октябр шурӯъ гардида, то 1 ноябр идома кард ва дар ҷараёни он Рустам Латифзода аз ҳама шаҳру навоҳии вилояти Суғд дидан кардааст. Ба иттилои манбаъ, дар ин сафар аслан масоили омодагии Ҳизби аграрӣ ба интихоботи парлумонии соли 2015 матраҳ шудааст. “Моҳи ноябр дар тамоми шаҳру ноҳияҳои ҷумҳурӣ конфронсҳои ҳизбӣ дар назар дошта шудааст, ки дар онҳо вакилон ба Анҷумани VI-и ҲАТ ва номзадҳо ба ҳавзаҳои якмандатӣ ва ягонаи ҷумҳуриявӣ пешбарӣ хоҳанд шуд”,-афзуд манбаъ.

Дафтари матбуотии ҲАТ мегӯяд, аснои сафари кории Латифзода ба ноҳияҳои Расулов ва Кӯҳистони Масчоҳ шӯъбаҳои ҲАТ таъсис гардид ва “айни ҳол дар тамоми шаҳру навоҳии вилоят, ба истиснои шаҳри Истиқлол, кумитаҳои иҷроияи ҲАТ фаъолият дошта, беш аз 14 ҳазор аъзоро муттаҳид мекунанд. Дар ноҳияҳои Спитамен, Ғончӣ, Ҷ. Расулов ва Исфара ба 441 нафар аъзоёни нав билетҳои ҳизбӣ супорида шуд”.

Манбаъ таъкид мекунад, дар суҳбат бо муовини раиси ҳизб кишоварзони вилояти Суғд бештар атрофи масъалаҳои низоми андозбандӣ дар соҳаи кишоварзӣ, таъминоти моддию техникии хоҷагињои деҳқонӣ, дастрасӣ ба қарзҳои имтиёзноки бонкӣ ва хизмати машваратӣ, бунёди корхонаҳои коркарди маҳсулоти кишоварзон суҳбат кардаанд: “Латифзода Рустам қайд кард, масълаҳои мазкур масъалаҳои меҳварӣ буда, ба лоиҳаи Барномаи интихоботии ҳизб дохил шуда, афзалиятҳои фаъолияти роҳбарият ва ҳар як аъзо мебошанд”.


Шарҳи худро бинависед:

Ном:*
E-Mail:
Матни шарҳ:
Посух додан
  • Дарвеш

  • 3 ноябр 2014 08:54
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Инхо то гузаштани интихобот гашту гузор карда ваъдахои хушку холи медиханд, андоз аз ин хам зиёд шавад хам сухане намегуянд
Посух додан
  • 11

  • 3 ноябр 2014 11:19
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Чунин хизб ое хаст?Хизбакон дар ъарафаи интихоботхо як чилва карда сохиби курсихои ба он хо додашуда шуда дигар ба хомуши мераванд ва то инт-и оянда.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ХАТ-нею яке аз шохахои хизби хотим!!!!!
Посух додан
  • Афанди

  • 3 ноябр 2014 14:18
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
441 бонус аз ххдт.......хахаххааааааааааа wink
Посух додан
  • Ситора

  • 5 ноябр 2014 10:54
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Гайр аз Хизби Нахсати Исломи Дигар Хамаи Хизбхо Хизбхои Хукумати Яне тарафдори Хизби Халкии Думократи Точикистон мебошанд Бовар кунед Бародарони Мусулмон Илтимос чоп кунед

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!