Сарвазири Тоҷикистон ба Бишкек меравад
Қоҳир Расулзода, сарвазири Тоҷикистон дар доираи як сафари расмӣ озими Қирғизистон мешавад. Дар ин бора Олим Раҳимов, сафири Тоҷикистон дар Бишкек зимни суҳбат бо расонаҳои қирғизӣ иттилоъ додааст.
Ҳарчанд Раҳимов санаи дақиқи ин сафарро зикр накардааст, вале ба гуфтаи ӯ, ҳадафи боздиди Расулзода аз Бишкек тақвият ва тавсеаи ҳамкориҳои иқтисодию тиҷорӣ ва иҷтимоӣ бо Қирғизистон мебошад. Сафари сарвазири Тоҷикистон ба Қирғизистон дар ҳолест, ки оқои Раҳимов аз коҳиши гардиши мол миёни Душанбе ва Бишкек дар соли равон хабар додааст. Ба қавли ӯ, дар давоми 9 моҳи соли 2014 ҳаҷми табодули коло миёни ду кишвар то ба 30 миллион доллар поин рафтааст, ки далели аслии онро метавон муноқишаҳои назди марзӣ гуфт.
Тоҷикистону Қирғизистон тӯли 970 километр марзи муштарак доранд, ки аз он танҳо 567 километраш аломатгузорӣ шудааст. Ин номуайянӣ боис мегардад, ки миёни сокинони наздимарзӣ мунтаззам даргириҳо сурат гиранд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |