18 ноя 2014 12:32Тоҷикистон / Интихобот - 2015 / Сиёсат / Рӯ ба рӯ / Тема дня

Ташкили ситод барои ҷилавгирӣ аз "дуздӣ"-и овози муҳоҷирон дар интихобот

Иззат Амон, раҳбари иттиҳоди ҷавонони тоҷик дар Русия аз таъсиси як ситоди интихоботӣ дар шаҳри Маскав хабар медиҳад.

Оқои Амон дар саҳифаи Фейсбукаш сабаби таъсиси “Ситоди интихоботӣ-2015”-ро дар пойтахти Русия “фаъол кардани иштироки муҳоҷирон ва ҷалби таваҷҷуҳи онҳо ба ин маъракаи муҳими сиёсӣ ва назорати раванди интихобот дар қаламрави ин кишвар” гуфтааст. Ба гуфтаи ӯ, ситод аз ҷониби “як гуруҳ дӯстдорони Ватан, ки дар муҳоҷират қарор доранд”, таъсис меёбад. “Албатта ин ситод ба кӯмак ва дастгирии шумо азизон ниёз дорад. Мову шумо набояд иҷоза диҳем, ки ин бор ҳам гуруҳи ҳоким (яъне ҲХДТ) овозҳои мардумро бидуздад. Ҳадаф дорем дар ҳар як нуқтаи овоздиҳӣ дар манотиқи Русия намоянда ва нозир бигузорем, то дуздон овозҳои мардумро надузданд”.

Иззат Амон дар суҳбат бо “Озодагон” иброз дошт, ситод аллакай ҷаласаи аввали худро баргузор кард: “Иштирокчиёни ситод 10 нафар сарназоратчиро интихоб карданд. Ба наздикӣ сарназоратчиҳо ба минтақаҳои гуногуни Русия рафта, барои худ ёрдамчиёнро интихоб мекунанд”. Ӯ инчунин аз фаъолсозии як сомонаи интернетӣ бо номи elections.tj хабар дода афзуд, айни ҳол ба ҷамъоварии мавод барои ин торнамо машғуланд. Ба гуфтаи вай, сомонаи мазкур дар мавриди кори ситод ва фаъолиятҳои онҳо маълумот нашр хоҳад кард.

Интихоботи парлумонӣ дар Тоҷикистон моҳи феврали соли 2015 баргузор мегардад.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Jamshed

Шумо ба интихобот чи кор доред, ба кори худ машгул шавед. Хамин мухочирон аз дасти Шумо барин мутахамон саргардон гаштанд. Ба фикрам ин шахс шахрвандии Руссияро дорад, барои хамин супоришхои хочагони худро ичро менамояд. Изхоротхои охири ин шахсро дар сомонаи мазкур як бор назар кунед, бад мефахмед ки ин шахс ки хаст ва ба чи кор дар нохунак машгул аст. Худо нигох дорад аз ин тоифа мутахамон.

Ҷавоб диҳед Иқтибос Шикоят

Салох

Иззатбои депутатшави чибало, ки пеш аз пода чанг бардоштесаи.

Ҷавоб диҳед Иқтибос Шикоят

Dev

Jamshed,
Chi kor dorand? Hub kor dorand, hakku haloli har yak tojik ast,ki ba intihobotu kori hukumat fikru akidaashro guyad.Agar onho ba kori hud mashgul shavand, tu ba kori hud(tagorazani) mashgul shavi , mani arobakash kordor nashavam... in hukumat chi kore muvofiki tabi hud asat hamonro mekuinad.Mo 20-u and sol ast,ki shohidi kori hukumati tuem. Tu barinho dushmani halki tojiked.Shumo mehohed tojik hamesha gulom bimonad.Jo tojiki sodai ,ki alakaj ba gulomi uns girifti digar...

Ҷавоб диҳед Иқтибос Шикоят

Муҳоҷир

Иззат Амон агар ғамхори халқу Ватанаш мебуд муҳоҷирони зиёд - ҳамватанонашро фиреб намедод, ҳайронем, ки ин "ватандӯст" ба интихобот чӣ кор дорад? Ё ки супориши навбатии хоҷагонашро иҷро карда истодааст. Агар ҳамин Иззат Амон ва боз якчанд ҳамибаринҳо набошанд. муҳоҷирони тоҷикро дигар кӣ фиреб медода боша? Рости гап урусҳо нисбати ин хели тоҷикҳои мо боинсофтаранд.

Ҷавоб диҳед Иқтибос Шикоят

Эзоҳ илова кунед