Русский  >>  فارسی  >>  Якшанбе 19 ноябр 2017, 02:27

Баҳси шарикӣ, демократия ва ҳуқуқи инсон дар мулоқоти Раҳмон бо Григуле

21 ноябр 2014, 12:16

Эмомалӣ Раҳмон, раисиҷумҳури Тоҷикистон дар мулоқот бо Ивета Григуле, роҳбари ҳайати парлумони Иттиҳоди Аврупо доир ба робитаҳо бо кишварҳои Осиёи Марказӣ масоили густариши ҳамкорӣ, рушди демократия ва ҷомеаи шаҳрвандӣ ва ҳифзи ҳуқуқу озодиҳои инсонро дар Тоҷикистон баррасӣ намудааст.

Тибқи иттилои дафтари матбуоти раисиҷумҳури Тоҷикистон Эмомалӣ Раҳмон дар хитоб ба Григеле изҳор доштааст, ки “Иттиҳоди Аврупо дар симои Тоҷикистон метавонад шарики боэътимоди худро дар минтақаи аз нигоҳи геополитикӣ басо муҳими Осиёи Марказӣ, ки дар хатти пеши мубориза бо хатару таҳдидҳои ҷаҳони муосир қарор дорад, дошта бошад”.

Раисиҷумҳур таъкид кардааст, ки “таҳкими муносибот бо Иттиҳоди Аврупо ва сохторҳои он, аз ҷумла Парлумон, яке аз самтҳои афзали сиёсати хориҷии Тоҷикистон аст. Рушди ҳамкорӣ дар соҳаҳои иқтисод, зербино ва амнияти минтақавӣ се самти афзали робитаҳои Тоҷикистон бо Иттиҳоди Аврупо мебошад.”

Зимни мулоқот аз рушди муносиботи тиҷории ҷонибҳо низ истиқбол шудааст. Ба иттилои дафтари матбуоти раисиҷумҳури Тоҷикистон ҳаҷми гардиши мол миёни Тоҷикистону Иттиҳоди Аврупо аз 362 миллион доллари амрикоӣ дар соли 2012 ба 534 миллион дар соли 2013 расидааст.


Шарҳи худро бинависед:

Ном:*
E-Mail:
Матни шарҳ:
Посух додан
  • Сарчаноб

  • 21 ноябр 2014 13:51
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамааш дурусту неки ай бини боло гап задан дар Точикистон мумкин нест хамиша кайд накарданд
Посух додан
  • мехр

  • 21 ноябр 2014 14:46
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Барои бунёди демократия, ҷомеаи шаҳрванди, ҳифзи ҳуқуқу озодиҳои инсон, хар як шахс худ бояд сахмгузор барои дастраси ба ин арзишхо бошад. Дониши кофии муосир ва саъю кушиши беандоза рохро ба суи ин арзишхо хамвор месозад.

Матолиби ҳамсон:

Бойгонӣ

«    Ноябр 2017    »
ДушСешЧорПанҶумШанЯкш
 12345
6789101112
13141516171819
20212223242526
27282930 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!