28 ноя 2014 12:00Тоҷикистон / Сиёсат / Тема дня

Ҷавоби Дастгоҳ ба Кабирӣ: Ҳалли мушкили шумо ба дасти мо нест

Дастгоҳи иҷроияи президенти Тоҷикистон ба номаи Муҳиддин Кабирӣ, раиси Ҳизби наҳзати исломии Тоҷикистон, ки барои баргузории анҷумани пеш аз интихоботии ҳизбаш толор хоста буд, ҷавоб додаст. Тавре аз дафтари матбуоти ҲНИТ хабар доданд, дар номаи ҷавобии Дастгоҳи иҷрояии раисҷумҳур омадааст, “ҷудо кардани толор ба салоҳияти онҳо дохил намешавад, дархости ҲНИТ ба шаҳрдори Душанбе ирсол шудааст”.

Ин дар ҳолест, ки масъулини ҲНИТ мегӯянд, онҳо қаблан чунин нома ба унвони Маҳмадсаид Убайдуллоев, шаҳрдори Душанбе ирсол карда буданд, аммо то ҳол ҷавоберо нагирифтаанд. Маҳмудҷон Файзраҳмонов, сухангӯи раиси ҲНИТ дар суҳбат бо “Озодагон” гуфт, номаи Муҳиддин Кабирӣ ба раиси Дастгоҳи президент замоне ирсол гардид, ки қаблан онҳо ба Маҳмадсаид Убайдуллоев, шаҳрдори Душанбе барои ҳалли ин мушкили худ муроҷиат карда буданд. Ба қавли сухангӯи раиси ҲНИТ, ин ҳизб дар таърихи 30 сентябри соли ҷорӣ бо навиштани номае аз Убайдуллоев барои пайдо кардани толор кумак хост, вале бо гузашти беш аз як моҳ посухеро нагирифтааст.

Ҳизби наҳзати исломии Тоҷикистон, танҳо ҳизби расмии динӣ дар Осиёи Миёна мебошад. Ин ҳизб дорои таърихи 40-сола буда, соҳиби торнамову нашрияи худ мебошад ва ба гуфтаи масъулинаш беш аз 40 ҳазор узв дорад ва қарор аст, 16 декабри соли ҷорӣ анҷумани пешазинтихоботии он баргузор шавад ва раҳбарияти ин ҳизб барои барпо кардани ин маъракаи сиёсии худ ба мақомот муроҷиат карда, гуфт, ба толоре ниёз дорад, ки ҳадди ақал тавони ҷой кардани 700 нафарро дошта бошад.

Дар ҳамин ҳол, масъулини ҲНИТ мегӯянд, онҳо дигар бовар надоранд, мақомот ин мушкилашонро ҳал кунад ва аз ин рӯ, тасмим гирифтаанд, анҷумани худро дар қароргоҳи марказии ҳизб дар шаҳри Душанбе баргузор кунанд.

Мӯҳр

Хабарҳои монанд:

апап

Дар Файзобод чаласаро дар юнучказор гузаронида будед ку? Чор курпачаро партоед дар ягон юнучказор гузаронед анчуманатонро. Точикиш бкне.

Ҷавоб диҳед Иқтибос Шикоят

Мухиддин

Хамном, вактхои охир ба шумо шубха дорам. Охир агар вокеан ба чунин як толор ниёз дошта бошед, созед. Ман фикр мекунам, ки максади вокеии шумо на толор, балки боз хам аз сиёхкунихо хол ба даст овардан аст. Дах соли охир толор мегуеду чавобашро каблан худатон медонед, инро чи хел фахмем?!
Ёд доред, бо ивази 300 доллар футболи Манчестерро дар Британияи Кабир тамошо кардед? Як сизон барои футбол ба хоричи дур наравед, худаш тахмин маблаги як толори коли калон мешавад. Сони, ин маблагхоро нахзатихо барои футболтамошои раисашон намедиханд! Хамин тавр не. Бо сесад доллар дасти кам ба 10 оилаи узви нахзат як халтаги орд додан мумкин!

Ҷавоб диҳед Иқтибос Шикоят

амин

барои хама чой ефта мешавад дар ин дуне афсус брои мусулмонон дар ин дуне чое пайдо кардан амрест махолрпр

Ҷавоб диҳед Иқтибос Шикоят

Мухочир

Тавба . тамоми Точикистонро аз худ кардаандее . дар тавони дастгохи президент набошад . дар тавони раиси шахр набошад . дар тавони ки метавонад бошад хал кардани ин масъала ? маскарабози хамаш . сиёсат ро бо конуни чангал омехта карданд .

Ҷавоб диҳед Иқтибос Шикоят

шухрат

Хизб таърихи 40сола дораду,як карогохи хубам надорад.Дар як кунчи шахр,сохиби як бинои хурдакак,хатто ба як толор кудраташон намерасад.Чаноби Кабири аз аввал як корчаллон буду сиесатмадор не.

Ҷавоб диҳед Иқтибос Шикоят

Эзоҳ илова кунед