Прокурор Холиқзода: Маст набудам ва ҳеч куҷое нагурехтам!
Фирӯз Холиқзода, собиқ корманди додситонии ноҳияи Исмоили Сомонӣ, ки субҳи барвақти 28-уми сентябр кӯчарӯбро пахш карда, ахиран тибқи қонуни афв озод шуд, сарусадо дар бораи маст буданашро рад кард.
Дар ҳоле, ки додгоҳи шаҳри Душанбе дар асоси шикояти наздикони кӯчарӯби марҳум, Зеварбону Пирова қарори афви Холиқзодаро мавриди бозбинӣ қарор додааст, худи ӯ дар суҳбати кутоҳе бо “Озодагон” сарусадо дар бораи маст буданашро рад намуд. Ӯ гуфт, ки маст набуд ва таъкид намуд, ки аз ҷои ҳодиса низ нагурехтааст.
Холиқзода аз посух ба суолҳои дигари “Озодагон” дар бораи ин қазия худдорӣ карда, афзуд, ки ҷузъиёти ин қазия дар додгоҳи ноҳияи Исмоили Сомонӣ қарор дорад.
Ин дар ҳолест, ки наздикони Зеварбону Пирова, роҳруби 53-солаи тоҷик, ки дар пай садамаи нақлиётии Холиқзода даргузашт, аз афв шудани ӯ изҳори норозигӣ намудаанд ва дар асоси шикояти онҳо додгоҳи Душанбе афви ин корманди додситониро бозбинӣ мекунад. Феълан Фирӯз Холиқзода, ёвари 31-солаи додситони ноҳияи Исмоили Сомонӣ, писари Кароматуллоҳ Холиқов, собиқ декани факултети ҳуқуқшиносӣ тибқи қонуни нави афв озод шудааст.
Ҳодисаи пахши Зеварбону Пироваи 53-сола, ки ба ҳайси кӯчаруб фаъолият дошт, субҳи 28 сентябр ҳангоми тамиз кардани роҳи назди меҳмонхонаи “Ҳаят Реҷенсӣ” дар хиёбони Исмоили Сомонӣ рух дод. Ҳамкорони Зеварбону, ки шоҳиди ҳодиса будаанд, дар суҳбат бо "Озодагон" гуфтанд, қазия соати 4:30 дақиқа рух дод: “Мошин баъди он ки Зеварро пахш кард, ҳатто суръатро паст накарда ҳамчунон ба роҳаш идома дод. Вақте ду ҳамкори дигарамон ин ҳодисаро диданд, аз тарс аз ҳуш рафтанд. Онҳоро ба Қарияи Боло бурданд” -гуфтанд тамизкорон. Наздикони Зеварбону ба “Озодагон” гуфтанд, суръати мошин ба ҳадде баланд будааст, ки ҷасади марҳумро ба қисмҳо ҷудо кардааст.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |