Аз 154 ба 152: Коррупсионерҳои Тоҷикистон камтар шудаанд?
Тоҷикистон дар раддабандии имсолаи созмони Trace International, ки вазъи фасод дар 175 кишвари ҷаҳонро инъикос мекунад, мавқеи худро тағйир дода, ду зина боло рафтааст.
Созмони Trace International мегӯяд, мизони фасодкорӣ дар Тоҷикистон нисбат ба соли пешин коҳиш ёфта, ин кишвар бо гирифтани 23 имтиёз дар миёни 175 кишвари дунё ҷои 152-умро соҳиб шудааст. Дар ҳоле ки соли 2013 бо гирифтани 22 хол дар мақоми 154-ум қарор дошт.
Дар миёни кишварҳои Осиёи Марказӣ мақоми аз ҳама поин насиби Туркманистон шудааст, ки бо гирифтани 17 хол дар раддаи 169-уми ҷойгир аст. Дар раддаи аз ҳама баланд миёни кишварҳои Осиёи Марказӣ Қазоқистон қарор дорад (29 хол, раддаи 126). Узбакистон дар ин раддабандӣ бо 18 хол дар мақоми 166 ва Қирғизистон бо 27 хол дар мақоми 136-уманд.
Дар миёни 175 кишвари дунё аз ҳама мизони пасти фасодкорӣ дар Дания, Зеландияи Нав ва Финляндия қайд шудааст, ки мувофиқан 92, 91 ва 98 хол аз 100-ро гирифтаанд. Аз ҳама кишвари фасодзадаи дунё Кореяи Шимолӣ ва Сомалӣ муаррифӣ шудаанд, ки танҳо 8 холӣ доранд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |