Русский  >>  فارسی  >>  Душанбе 17 июн 2019, 21:37

Боздошти дипломати қирғиз ба иттиҳоми ҷосусӣ дар марз

10 декабр 2014, 13:12

Кумитаи давлатии амнияти Қирғизистон аз боздошти як корманди сафорати ин кишвар дар Узбакистон ба иттиҳоми ҷосусӣ хабар медиҳад.

Роҳат Сулаймонов, сухангӯи Кумитаи амнияти Қирғизистон дар суҳбат бо расонаҳо гуфтааст, дипломати қирғиз ҳангоми интиқоли асноди махфӣ аз Қирғизистон ба Қазоқистон дар гузаргоҳи марзии "Оқ-ҷар" - "Кордай" боздошт шудааст. Ба гуфтаи ӯ, асноде, ки дипломат мехост, онҳоро аз ватан берун барад, марбут ба сирри давлатии ин кишвар будааст.

Сулаймонов аз бурдани ному насаби ин дипломати кишвараш худдорӣ карда, афзудааст, "дар бораи шахсияти ӯ ҳоло чизе гуфта наметавонем, чун тафтишот идома дорад."

Ин дар ҳолест, ки моҳи ноябри соли равон Алтинбек Муралиев, раҳбари Шуъбаи ҳамкориҳои байналмилалии дастгоҳи раёсатҷумҳури Қирғизистон низ ба иттиҳоми ҷосусӣ боздошт шуда буд. Кумитаи амнияти Қирғизистон ӯро дар ҷосусӣ ба нафъи кишвари бегона муттаҳам карда, мегӯяд, ба хориҷиҳо асноди шомили сирри давлатиро додааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!