12 дек 2014 15:19Оcиёи Марказӣ / Тоҷикистон

150 устоду шогирд дар шимоли Тоҷикистон узви ҳизби ҳоким шудаанд

Як гуруҳ аз донишҷуён ва устодони Донишкадаи иқтисод ва савдои вилояти Суғд ба узвияти Ҳизби халқӣ-демократӣ (ҲХДТ), ҳизби ҳоким дар кишвар шомил шуда, дар ҳузури ректори донишкада - Иномҷон Аминов соҳиби дафтарчаи ҳизбӣ шудаанд.

Ба иттилои дафтари матбуоти ҳукумати вилояти Суғд, рӯзи 11 декабр зимни як чорабинӣ 150 устоду донишҷӯи Донишкадаи иқтисод ва савдои вилоят ба сафи ҲХДТ шомил шуданд.

Қаблан Донишгоҳи омӯзгории Тоҷикистон низ аз шомил шудани як гуруҳи донишҷӯён ва устодонаш ба сафи ҳизби ҳоким хабар дода буд.

Ҳизби халқӣ-демократии Тоҷикистон, ки раҳбарии онро, Эмомалӣ Раҳмон, раисиҷумҳури кишвар бар дӯш дорад, соли 1994 таъсис ёфта, дар ҳоли ҳозир беш аз 200 ҳазор узв дорад. То кунун Эмомалӣ Раҳмон, раиси ҲХДТ, дар се интихоботи гузаштаи президентӣ иштирок карда, пирӯз шудааст.

Мӯҳр

Хабарҳои монанд:

донишчу

Шогирдора мачбури да ххдт дохил мекунанд дар донишгоххо аз харгурух 15 нафар бояд аъзои ххдт шавад дар гурухи мохам ба куратори гурухамон 15 варак додандки шогирдонатро ба ххдт дохил кунед валлохи ки рост мегуям дар дмт хаминхел аст

Ҷавоб диҳед Иқтибос Шикоят

донишчу

дар синфи мо ҳам супориш доданд ки аризахоятонро дуруст мекунем, ба сафи ҳхдт дохил мешавед. донишҷухо баъзеяш ба хотири бахо ва баъзеи дигар аз тарс рози шуданд.

сар шуд, таблиги дуругин. донишчуро ба чои дарс додану дониш ёд додан ба сиёсатбозии худ истифода бурдестан. Аз ин ба чомеа хам зарар мерасад, ки донишчуи бесавод мемонад ва хам ба худи донишчу зарар мерасад, ки сохиби тахассус намешавад. Вале ин ҳхдт манфиати хизбияшро болотар аз манфиати милли ва мардум дониставу медонад ва аз донишчухо суиистифода мекунад

Ҷавоб диҳед Иқтибос Шикоят

Эзоҳ илова кунед