17 дек 2014 08:00Тоҷикистон / Дасти хайр / Иқтисодӣ / Видео

(ВИДЕО) Кӯмакхоҳии маъюб аз президент: Писарамро наҷот диҳед

Қурбоналӣ Муродов, як сокини 56-солаи шаҳри Душанбе бо муроҷиат ба Эмомалӣ Раҳмон, райисиҷумҳури Тоҷикистон, Маҳмадсаид Убайдуллоев, шаҳрдори пойтахт ва мардуми хайрхоҳ барои табобати писари бемораш кӯмак мехоҳад.

Бино ба гуфтаи волидони Абдуалӣ Муродов, ӯ беш аз якуним моҳ мешавад, ки аз дарди гурда ранҷ мекашад ва ба табобати фаврӣ ниёз дорад. Қурбоналӣ Муродов, падари Абдуалӣ мегӯяд, дар пайи ташхиси тиббӣ маълум шуда, ӯ модарзод як гурда надорад ва гурдаи ягонааш ҳам сиҳат нест. Барои муолиҷа маблағи зиёд лозим аст, вале ин хонавода дар ҳолати фақр ба сар мебарад. “Ман маъюби гуруҳи дуюмам. Ҳар ду поям маъюб аст. Дар бозори “Корвон” сурудхонӣ мекунам ва бо ҳамин рӯз мегузаронем. Нафақаам ба таъмини зиндагӣ намерасад. Аз пули барқу об қарздорем”,-мегӯяд Қурбоналӣ.

Манзили Қурбоналӣ Муродов дар кӯчаи Нахимови маҳаллаи Гипрозем воқеъ буда, онҳо дар шароити хеле бад зиндагӣ мекунанд. Қурбонгул Шодиева, модари Абдуалӣ мегӯяд, худи ӯ аз бемории қанд ранҷ мебурд ва як духтарашон низ мариз аст: “Аз ҳамаи одамоне, ки имкон доранд, хоҳиш мекунам барои табобати писарам кӯмаки худро дареғ надоранд”.

Абдуалии 18-сола фарзанди дуюми хонадони Қурбоналӣ мебошад ва дар курси сеюми Литсеи касбии хизмат ва туризм таҳсил мекунад. Волидони ӯ бовар доранд, афроди хайрхоҳ кам нестанд ва барои муолиҷаи фарзандашон кӯмак хоҳанд кард.

Нафароне, ки мехоҳанд ба ин хонавода кӯмак расонанд, бо ин шумора тамос бигиранд: 989-02-97-04

Суроғаи манзил: Ноҳияи Сино, маҳаллаи Гипрозем, кӯчаи Нахимов, хонаи 59, утоқи 8.

Мӯҳр

Хабарҳои монанд:

Беном

Эй халки мусалмони точик ба ин оила нигарреда ки чи кадар мухточи ёрдам хастанд агар мо дидаву дониста ба ин оила ёрдам нашавем мо фардо дар назди Аллохи бузург чи мегуем а? Ман умедворам ки хамааи мо ба ин оила кумаки худро дарег намедорем Боки дар панохи Аллох бошен хаматон

Ҷавоб диҳед Иқтибос Шикоят

Латофат Ибрагимова

Саломи худро ба кулли хонандагони ин сомона меравасонам.
Авалан аз даргохи Худованд дуову илтичо мекунам, ки харчи зудтар Худои мехрабон ба дарди ин додари мо давои таъчили бахшад.Халки азизам ва шахсони саховатманд зудтар пайдо шуда, дасти кумак дароз кунанд.Ин руз расо 1 солу хашт мох пеш (14-уми майи соли 2013) ба сари оилаи мо низ омада буд, айнан ана хамин намуди бемории норасогии гурда, ки дар натичаи сари вакт пайдо накардани донор додарчони мехрубонам Бахриддинчони 21 соларо аз даст додем.(Худо чояш чаннат бошад ва хамеша хамсафари паёмбарон)
Вале барои ин додари мо дер нашудааст. Хуб мешуд пеш аз хама хукумати ЧТ, бо дастачамии тамоми шахрвандони ЧТ сари вак кумаки худро дарег намедоштанд.
Баъди сари додарчонам, хатто борхо ният кардам, як ташкилоти хайриявие бо кумаки халк (яъне шахсони саховатманде хастанд ки закоти моли худро, кучактарин пули хайриявии худро бо дархости шахсони вобастаи ин ташкилот ба ин ташкилот барои кумаки чунин беморон амонат мегузоранд) созмон дихам, вале нашуд...Иншоаллох аз Худои мехрабон умед дорам, ки хатман ичро мешавад...
Иншоаллох умед дорам, ки харчи зудтар шахсони сарватманд пайдо шуда, мушкилии шуморо осон мегардонанд. Омин

Ҷавоб диҳед Иқтибос Шикоят

Бохир

Ин шо Аллох кумак хохем кард.Худованд шифои комил дихад ба шумо додарчон.Омин.Омин.Омин.

Ҷавоб диҳед Иқтибос Шикоят

Эзоҳ илова кунед