17 дек 2014 15:33Оcиёи Марказӣ / Тоҷикистон

ҲНИТ ҳамлаи Толибонро ваҳшиёна ва ғайриинсонӣ хонд

Ҳизби наҳзати исломии Тоҷикистон (ҲНИТ) бо пахши як изҳорот ҳамлаи гуруҳи Толибон ба яке аз мадориси шаҳри Пешовари Покистонро, ки беш аз 150 қурбонӣ дар пай дошт, шадидан маҳкум карда, онро ваҳшиёна ва ғайриинсонӣ донист.

Дар изҳороти ҲНИТ, аз ҷумла таъкид шудааст, “анҷоми ин гуна ҳамалот, ки мунҷар ба қатлу куштори мардуми бегуноҳ ва махсусан занону кӯдакон мегардад, ягон иртибот ба дини мубини Ислом надорад.”

Раҳбарияти ҲНИТ аз баъзе гуруҳ ва доираҳое, ки барои пиёда кардани аҳдофи худ дар замони муосир аз таълимоти динӣ ва Ислом сӯистифода мекунанд, даъват кардааст, аз ин амали худ, ки боиси коҳиши обрӯи мусулмонон ва ин дин дар олам мешаванд, даст бардоранд: “Гурӯҳ ва доираҳое, ки бо роҳи суиистифода аз таълимоти динӣ дар ҷаҳони муосир даъват ба хушунат ва зӯроварӣ намуда, мехоҳанд ба хостаҳои худ бирасанд, бояд донанд, ки ин гуна услуб ва шеваҳо дур аз меъёрҳои исломӣ ва инсонӣ ҳастанд, ки чеҳраи Исломи поку таҳаммулпазир ва мусолиматомезро дар назари мардуми дунё хатчадор менамояд.”

ҲНИТ дар охир бори дигар ин амали гуруҳи Толибонро маҳкум карда, ба наздикону пайвадони қурбониёну мардуми шарифи Покистон ва ҳукумати ин кишвар ҳамдардӣ баён кардааст.

Мӯҳр

Хабарҳои монанд:

Тавккуф

ҲНИТ бояд бо назардошти вазъи кунунии олами Ислом ва ба хотири тинчиу ороми ва рушди Точикистон бояд фаъолияташро манъ кунад, то ки куввахои беруна аз ин хизб, бар зидди Ислом истифода накунанд.

Ҷавоб диҳед Иқтибос Шикоят

бесавод

Тавккуф,
ту таваккуф не ту таассуф хасти бо он андешаронихоят.
Баръакс бояд ХНИТ ро дастгири кард ,км чавонон ба ягон гурухи ифротгар напайванданд.
ХНИТ магар ягон зулм ба мардум кардааст?
Баръакс ягона хизбе,ки аз хукуки шаръии мардум дифоъ мекунад.
Он муфти боре хам садояшро баланд накард,вакте масчидхоро бастанд,то 18-соларо Ба масчид рафтан намегузоранд.

Ҷавоб диҳед Иқтибос Шикоят

Эзоҳ илова кунед