“Tagesspiegel”: Олмонро лозим аст, ҳамкории баҳсбарангезро бо Узбакистон бозбинӣ кунад
Аз аввали моҳи январи соли равон “Нерӯҳои байналмилалии кумак ба амният” (ISAF) расман маъмурияти худро дар Афғонистон қатъ мекунанд. Ҷойи онро ҳайати дигаре бо номи “Пуштибонии собит” мегирад, ки дар доираи он 12,5 ҳазор сарбоз аз 40 кишвар неруҳои амниятии Афғонистонро машвара ва омӯзиш хоҳанд дод.
Нашрияи олмонии “Tagesspiegel” менависад, ин кишвар барои иштирок дар ин ҳайат 850 сарбоз мефиристад ва пойгоҳи ҳарбии Тирмизи Узбакистонро истифода хоҳад кард. Дар ин бора 1 сентябри соли гузашта дар Тошканд қарордод ба имзо расидааст. Дар мақола омаддаст: “Аммо, ҷомеаи Олмон аз мазмуни ин қарордод иттилоъ надорад: ҳукумати Олмон ба шиддат аз гуфтани ҷузъиёти ин қарордод, ки 4 сол қабл ба имзо расидаву сентябри соли гузашта ба он тағйирот ворид шудааст, худдорӣ мекунад”.
Ба навиштаи нашрияи “Tagesspiegel”, “эҳтимолан, ҳукумати Олмон аз махфӣ нигоҳ доштани қарордоди ҳамкорӣ бо яке аз кишварҳои худкомаи ҷаҳон манфиатдор аст. Дар мақола омадааст, мудофеони ҳуқуқи башар ва мухолфини сиёсӣ ба такрор ишора кардаанд, ки дар даврони зимомдории Ислом Каримов илова бар саркӯби хунини тазоҳуроти Андиҷон, инчунин шиканҷа, саркӯб кардани мухолифин ва рӯзноманигорон ҳам дар амал аст. “Аз ин ҷиҳат, Олмонро лозим аст, ҳамкории баҳсбарангезро бо Узбакистон бозбинӣ кунад”, мегӯяд муаллифи мақола Залтсен.
Ба навиштаи ӯ, ҳукумати Узбакистон барои истифодаи пойгоҳи ҳавоиаш маблағи кам намегирад. Соли 2010 вазири дифои пешини Олмон Карл-Теодор тсу Гуттенберг, барои пардохтани 15,95 миллион евро розӣ шудааст. Дар маҷмӯъ аз соли 2002 Олмон ба Узбакистон 120 миллион евро пардохт кардааст. Ба иддао муаллиф ин маблағ барои пойгоҳи ҳавоӣ масраф нашудааст ва ба ин далел Олмон 20,4 миллион евро илова кардааст: “Аз рӯи қарордоди нав ҳоло рӯшан нест, Олмон бояд чи қадар пул пардохт кунад. Эҳтимоли кам вуҷуд дорад, ки нарх поин омадааст”, - мегӯяд Залтсен. Дар мақола омаддаст, ба иттилои расонаҳои русӣ ин бор Узбакистон маблағи зиёдтар талаб кардааст.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |