Маҳбусони тоҷикро беҳтарин ҳофизи Қуръон гуфтаанд
Шаҳрвандони Тоҷикистон, ки дар муассисаҳои ислоҳии Русия нигаҳдорӣ мешаванд, беҳтарин ҳофизи Қуръон шинохта шудаанд.
Ба иттилои торнамои wordyou, дар яке аз зиндонҳои Мордовия барои бори аввал миёни зиндониёни мусалмон озмуни қуръонхонӣ баргузор шудааст. Дар ин сабқат маҳбусони даҳҳо муассисаи ислоҳӣ иштирок намуда, зиндониёни тоҷик баҳои баланд гирифтаанд. Ба иттилои манбаъ, Эдуард Хачукаев, раҳбари Маркази ҳамоҳангии ҳимоят аз таълимот, фарҳанг ва илми исломии Маскав гуфтааст, моҳиртарин ҳофизони Қуръон зиндониёни Тоҷикистон будаанд: “Онҳо маҳорати баланди қироати Китоби муқаддасро бо забони арабӣ нишон доданд”.
Ба иттилои торнамо, ҳайати доварон, ки аз кормандони аъзои муфтиёти Тотористон, Мордовия, инчунин ҳофизони Қуръон аз Донишгоҳи исломии Русия иборат будааст, ғолибонро аз рӯи се бахш муайян кардаанд: “Дар бахши “Қироати дурусти Қуръони Муқаддас бо забони арабӣ” Саидраҳмон Умронов аз муассисаи ислоҳии 17 ғолиб дониста шуд. Дар бахши “Азёд донистани 12 сураи Китоби муқаддас” Язмуҳаммад Аннақурбонов ва Зубайдулло Носиров аз муассисаи ислоҳии 7 ғолиб эълон шуданд”. Аммо манбаъ нагуфтааст, кадоме аз ин нафарон шаҳрванди Тоҷикистон ҳастанд.
Сомона мегӯяд ба ҳамаи ғолибон ифтихорнома ва туҳфаҳо - китоби Қуръон, соатҳои рӯимизӣ ва ҷойнамоз тақдим шудааст.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |