21 янв 2015 14:28Тоҷикистон / Иқтисодӣ

Вазорати молия ба “Тоҷикагролизинг”: Худатон пул ёфта, кор кунед!

Саидмурод Хайриддинов, раҳбари “Тоҷикагролизинг”, имрӯз, 21 январ зимни нишасти матбуотӣ дар Душанбе аз он изҳори нигаронӣ кард, ки Вазорати молия маблағҳои муаяншуда барои ин ниҳодро пардохт накардааст.

Ӯ, пардохт нашудани маблағҳои банақшагирифтаро аз ҷониби Вазорати молияи зарбаи сахте ба “Тоҷикагролизинг” унвон кард: “Вазорати молияи уҳдадор шуда буд, бо мақсади рушди муносиботи лизингӣ ва таъмини амнияти озуқаворӣ ба корхонаи мо маблағҳои банақшагирифтаи буҷаро ҷудо кунад, мутаассифона малағгузории ин вазорат сол то сол кам шуд ва дар соли 2014 пурра қатъ гардид. Дар ҳоле, ки тибқи нақшаи буҷаи ҳукумат барои соли 2014 мебоист 3,5 миллион сомонӣ ҷудо мекард”.

Ҷаноби Хайриддинов гуфт, Вазорати молия сабаби ҷудо накардани маблағҳоро шарҳ надода, танҳо гуфтааст, “худатон маблағ ёбеду кор кунед”.

Раҳбари корхонаи “Тоҷикагролизинг” дар идомаи нишаст аз қимматшавии нархи таҷҳизоти ниёзи хоҷагиҳо ва норасоии маблағ дар ин самт низ изҳори нигаронӣ карда, гуфт, бо ин шароит наметавонанд талаботи хоҷагиҳоро бо техникаи лозима бароварда созанд. “Имрӯз барои пурра бо техника таъмин кардани хоҷагиҳои деҳқонӣ ҳудуди 3,5 миллиард сомонӣ лозим аст. Мо ин гуна иқтидор надорем, танҳо норасоии трактор дар хоҷагиҳои деҳқонӣ ба 10 ҳазор мерасад”,- афзуд ӯ.

Ба қавли Саидмурод Хайриддинов, барои гирифтани як анбори нигоҳдории техника дар наздикии роҳи оҳан ба ҳукумати кишвар дархост фиристоданд: “Ҳукумат барои ҳалли ин масъала Кумитаи давлатии сармоягузорӣ ва идораи амволи давлатиро вазифадор кард, аммо то ҳол аз он хабаре нест”.

Мӯҳр

Хабарҳои монанд:

тракторись

барои он ки я трактора метен ставка3000 долар мегирен бо изо накашида гуе шумо дилсуз

Ҷавоб диҳед Иқтибос Шикоят

дехкон

Хамин Вазорати молия ки маблаг дихад ин Точикагролизинги ту ба ки лозим. Маблаг бошад бе агролизинги ту хам хисоби корро меёбем.

Ҷавоб диҳед Иқтибос Шикоят

дехкон

Хамин агролизингатон ба ягон дехкони асил даркор нест, чунки хангоми додани техника доля талаб мекунед. Саратонро хурад хамин агролизингатон. Вазорати молия кори дуруст кардаст/ Офарин мутахассисони Вазрати молия.

Ҷавоб диҳед Иқтибос Шикоят

Salomat

Аз Вазири молия хама норозианд, балора намефахмад, мисли муовини якумаш- :)
https://www.ozodagon.com/18798-78-somon-ai-imoyatgaroni-sohti-konstitusioniro-k-m

ehrad.html

Ҷавоб диҳед Иқтибос Шикоят

Дехконбача

Дуруст кайд кардед агар маблагро вазорати молия пардохт кунад, пас агролизинги ту ба ки кумак мекунад??? Ришваю фасодро камтар кунед то дехкони асил ончуноне, ки шумо мегуед ба техникаю тачхизот дастрас гардад. Фоизхои шумо камтар хам бошанд нисбати дигарон, пас чаро вакте пешпардохт мекунанд шумо фоизхои бокимондаро меситонед, ин аз руи кадом конуни лизинг ба хисоб гирифта мешавад, ин як, дуввум ин ки ин агролизинг аз руи баъзе маълумотхо ба бизнеси оилави монанд аст. Агар 50% дарсади кормандони он аз нохияи Восеъ буда калиди ин Корхона дар дасти сармухосибаш ва пайровони у карор дорад. Хар тарафе тоб метиян ин калидро хамон тараф тоб мехурад. Барои хамин мухтарам Хайридинов аввал персоналатро иваз кун, бад нола кун!!!

Ҷавоб диҳед Иқтибос Шикоят

Эзоҳ илова кунед