Маорифчиён боз дар садри фасодзадаҳо
Агентии мубориза бо фасоди Тоҷикистон мегӯяд, дар соли 2014 аз ҳама бештар кормандони Вазорати маориф ва илм ҷиноятҳои коррупсионӣ содир карданд.
Дар нишасти хабарии Агентии назорати давлатии молиявӣ ва мубориза бо коррупсияи Тоҷикистон, ки дар шаҳри Душанбе ҷараён дорад, зикр шуд, дар 12 моҳи рафта аз сӯи кормандони Вазорати маориф ва илм 101 ҷиноят анҷом шудааст. Дар ҷои дуюм Вазорати тандурустӣ ва ҳифзи иҷтимоии аҳолӣ қарор дорад, ки кормандонаш 70 ҷинояти коррупсионӣ содир кардаанд.
Аз миёни вазорату идораҳои ҳифзи ҳуқуқ ва қудратӣ бошад, кормандони Вазорати умури дохилӣ бештар чунин ҷиноят кардаанд. Агентӣ мегӯяд, дар соли 2014, 46 ҷинояти хусусияти коррупсионидоштаи кормандони умури дохилиро ошкор кардааст. Дар рӯйхати пешниҳодкардаи агентӣ Вазорати мудофиа дар ҷои дувум аст. Кормандони ин ниҳод дар як сол 14 ҷиноят содир кардаанд. Вазорати адлия бо 12 ҷинояти коррупсионӣ дар ҷои се ва Хадамоти гумрук бо 7 ҷиноят дар зинаи чоруманд. Аммо дар як соли сипаришуда агентӣ танҳо як ҳолати содиршавии ҷинояти коррупсионӣ аз сӯи кормандони прокуратураро ошкор кардааст.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |