29 янв 2015 09:54Тоҷикистон / Иҷтимоӣ / Тема дня

ВИДЕО: Нигаронии омбудсмен аз гумшавии кӯдакҳо дар рӯзи равшан

Зариф Ализода, омбудсмен ва ё Ваколатдор оид ба ҳуқуқи инсон дар Тоҷикистон имрӯз, 29-уми январ зимни нишасти матбуотӣ дар Душанбе гумшавии кӯдаконро дар кишвар мояи нигаронӣ хонд.

Ализода гумшавии Осия, сокини 5-солаи Душанберо, ки ҷасадаш дар Ҳисор пайдо шуда буд, зикр карда, афзуд, ин раванди фоҷиаборро бояд пешгирӣ кард: “Ҷомеа ҳам бояд бетараф набошад. Дар як рӯзи равшан аз миёни одамҳо гум шудани кӯдакҳо бисёр ташвишовар аст. Ҳам оила, ҳам мактаб ҳам ҳамсояҳо бояд ба ин масъала таваҷҷуҳ намоянд.”

Инчунин Ализода гуфт ҳолатҳое ҳастанд, ки кӯдакро аз таваллудхона ба шахси дигар медиҳанд. Таҳлилҳо нишон доданд, ки дар бархе ҳолатҳо шаклан ҷиноят ҳасту мазмунан ҷиноят нест. Аз ҷумла ҳолатҳоеро мисол овард, ки кӯдакро таваллуд карда, бе қайди расмӣ онро ба каси дигар медиҳанд: “Албатта ҳастанд, ҳолатҳое, ки ба ивази маблағҳои ночиз, масалан 200 сомонӣ кӯдакашонро медиҳанд. Ин ҷо омӯхтан даркор, корҳои фаҳмондадиҳӣ гузарондан даркор.”

ВИДЕОИ суҳбати омбудсмен дар бораи гумшавии кӯдакҳо

Нигаронии омбудсмен дар ҳолест, ки ҷасади Осияи 5-сола, сокини шаҳри Душанбе, ки аз рӯзи 8 августи соли 2014 дар маҳаллаи “Садбарг”-и пойтахт бедарак шуд, бо нишонащои марги маҷбурӣ аз даруни ҷӯйборе дар деҳаи Шӯроби поёни ноҳияи Ҳисор ёфт гардид.

Хонаводаи Осияи панҷсола ҳамсояи Сабина ва Малика Араловаҳоянд, ки 25 марти соли 2013 ғайб зада, то ҳоло бедараканд. Ба ин қазия моҳи апрели соли гузашта Эмомалӣ Раҳмон, раиси ҷумҳури Тоҷикистон ҳам дахл карда, онро аз ҷумлаи ҷиноятҳои доғдоркунандаи номи давлату миллат ва мақомоти ҳифзи ҳуқуқ арзёбӣ кард. Ӯ аз сохторҳои қудратии кишвар даъват кард барои пайдо намудани Малика ва Сабина чораҳои заруриро биандешанд, аммо то ҳол аз ин кӯдакон хабаре нест.

Мӯҳр

Хабарҳои монанд: