Даъвои устоди Президент ва 10 наҳзатии дигар ба додгоҳи Данғара
Хол Камолов, устоди Эмомалӣ Раҳмон, раисҷумҳури Тоҷикистон ва узви фаъоли Ҳизби наҳзати исломии кишвар, ки ба далели “ҳусни хати зебо надоштан” номзадияшро ба қайд нагирифтанд, ба додгоҳ шикоят бурдааст.
Маҳмудҷон Файзраҳмонов, сухангӯи ҲНИТ дар суҳбат бо “Озодагон” гуфт, аризаи шикоятии Холов имрӯз, 4 феврал ба додгоҳи ноҳияи Данағара ирсол шудааст. Ба гуфтаи Файзраҳмонов, дар баробари устоди президенти кишвар, 10 нафар аз номзадони ҲНИТ дар Данғара низ, ки ба хотири нагузаштан аз имтиҳони забони давлатӣ сабти ном нашуданд, ба додгоҳ шикоят бурдаанд.
Хол Камолов, сокини 82-солаи ноҳияи Данғара мебошад, ки дар гузашта ба ҳайси омӯзгори фанни математика кор кардааст ва ба Эмомалӣ Раҳмон, раисиҷумҳури Тоҷикистон низ дар мактаби миёна дарс гуфтааст. Қаблан ҲНИТ аз сабти ном нашудани 10 вакили худ дар Данғара бо шумули Камолов хабар дода, гуфт, комиссияи имтиҳонотӣ ӯро барои он ноком эълон кардааст, ки ҳусни хаташ гӯиё бад будааст.
Сухангӯи ҲНИТ афзуд, имрӯз инчунин ду номаи шикоятӣ унвони Комиссияи марказии интихобот ва раъйпурсии Тоҷикистон ҳам ирсол карда, аз монеагузорӣ ва фишор болои вакилони худ аз сӯи мақомот хабар додаанд. Аз КМИР талаб шудааст, “дар асоси қонун амал кардани масъулини ҳавзаҳои интихоботиро таъмин” намояд.
Файзраҳмонов мегӯяд, номаҳои шикоятии ҲНИТ, яке аз Ашт дар масъалаи фишор болои фаъолони ҳизбӣ ва дигаре аз Ваҳдат оид ба тарзи имтиҳони номзадҳои маҳаллӣ ва ноком кардани бархе аз онҳо мебошад: “Номзадҳои наҳзатиро суолҳое, мисли "боби якуми қонун дар бораи забони давлатӣ чист?”, “Шумо барои чӣ узви ҲНИТ шудед?”, “Барои чӣ депутат мешавед ва маълумоти олӣ надоред?” ва ба ин монанд додаанд”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |