11 фев 2015 12:18Тоҷикистон / Интихобот - 2015 / Сиёсат / Видео / Тема дня

ВИДЕО: Номзади ҲХДТ дар бораи як миллион муҳоҷир, номзади ҲНИТ дар бораи коҳиши андоз

Номзадҳои курсии парлумон аз ҳавзаи интихоботии Шоҳмансур, №3 шоми сешанбеи 10 феврал дар бинои мактаби таҳсилоти умумии №35 дар рӯбарӯи интихобкунандаҳо аз барнома ва ҳадафҳояшон гуфтанд.

Баҳром Абдуалимов аз Ҳизби халқӣ-демократии Тоҷикистон ба муҳоҷирати меҳнатӣ ишора карда, гуфт, зиёда аз як миллион шаҳрванди Тоҷикистон берун аз марзи Тоҷикистон кору фаъолият дорад. Ба гуфтаи ӯ бештари аҳолии Тоҷикистон, бахусус мардуми деҳот аз пули муҳоҷирон зиндагӣ мекунанд: “Бо фароҳам кардани ҷойи кор ин мардуми қобили меҳнат бояд дар Ватан кор кунанд”.

Сафаргул Давлиёрова номзади Ҳизби коммунистии Тоҷикистон аз зарурати роҳандозии адолати иҷтимоӣ гуфт. Ба қавли ӯ бояд ҷомеаи адолати иҷтимоӣ пойдор ва он ҷавобгӯи тамоми хостаҳои меҳнаткашон бошаду ҳуқуқу озодиҳои шаҳрвандонро таъмин намояд.

Абубакр Комилов аз Ҳизби ислоҳоти иқтисодии кишвар таъкид намуд, таваҷуҳи бештар набояд ба соҳаи аграрӣ, балки ба саноат дода шавад, зеро ба иддаои ӯ, “ҳамаи дигар соҳаҳо вобастаи бахши саноатанд”.

Мунира Расулова, номзади ҲСТ бошад, гуфт, таъмини доимии маблағгузорӣ ба соҳаи илму фарҳанг бояд ба таври доимӣ маблағгузорӣ шаванд: “Оид ба инкишофи туризм барномаи миллӣ тадбиқ шуда, сохторҳои илмӣ аз одамони тасофдуфӣ тоза шаванд”.

Руқияи Нурӣ аз ҲНИТ таъкид кард, принсипи баробарии қонун риоя шуда, ҳамаи шохаҳои ҳокимият мустақил ва дар назди мардум ҳисоботдиҳанда бошанд. Ӯ гуфт, "мақомоти иҷрояи давлатӣ интихобӣ бошанд ва дар бахши иқтисодӣ бошад, ҳамагуна андоз аз мардум кам шавад".

Мӯҳр

Хабарҳои монанд:

Саёд

Афсона хони сар шуд то интихобот,хамин,ки гузаштан 5 сол хоби хирсона мераван,аз молиёти мардум нуш карда,Он киссахое,ки барои мардум,мехонед,аз руи когазхоятон,ин киссахо дар хамон когаз мемонад,то интихоби оянда

Ҷавоб диҳед Иқтибос Шикоят

Фаро

Дар хамачо мухочир хаст, Рохбари Давлат бисёр кушиш карда истодааст бизнесмено хам кушиш доранд шумо инкадар даъво доред ягон чои кори ташкил кардаед ,аз минбаро дар когазо менависеду ман фалон хизбу гуфта забонатон дароз мехонед икадар ки дилатон сузад ба мухочирон, пулдорен пулора пинхон накунед дар хоричаву хонахои бохашамат напушеду чохои кори ташкил кунед.Дар солхое ки вазнин буд барои халк шумо дар кучо будед, багайр аз Рохбари Давлату Раиси Шахр номи ягонтои шумо набуд,дидед ки пешрави хаст дархол пайдо шудед.Аввалаш Аллох баъд Рохбари давлату Раиси шахру бизнесменхо ин хамма ободихоро карданд бояд мардум дар хаки инхо доим дуо кунанд.Аллох нигахбонашон омин.

Ҷавоб диҳед Иқтибос Шикоят

Назр

Ман намедонам чи бигуям, ки вақто ки аз варақ дуруст хонда натавонӣ чи гуна вакили мардум шуда метавонӣ, ҳол онки саводи нимкофи надорӣ ки сийоҳу сафедро фарқ куни.

Ҷавоб диҳед Иқтибос Шикоят

шамсулло

Дунё дар чи талош асту мо дар чи талош. Бас аст суханхои беасос. Шукри ватану миллати имрузаи точик кунем, ки ба чунин пешравихо расидем. Гарчанде.ки чунин сулху субот ба гайр аз Точикистон дигар дар ягон минтакаи дунё нест вале ХНИТ бошад то хол хамон акидахои гаразноки худро идома дода истодааст. Бас будагист инсоф доред ё не.

Ҷавоб диҳед Иқтибос Шикоят

Эзоҳ илова кунед