Шерзамонов: Барои салом бо мо ба прокуратура даъват мекунанд
Алим Шерзамонов, раиси дафтари Ҳизби сотсиал-демократи Тоҷикистон дар Бадахшон ва номзад ба Маҷлиси намояндагон аз ҳавзаи 41, «Хоруғ» мегӯяд аснои вохӯрӣ бо интихобкунандагон аз рӯзи 11 то 14-уми феврал дар ноҳияи Ишкошим, дучори фишор аз ҷониби мақомоти қудратии ин ноҳия шудааст.
Ҷаноби Шерзамонов дар суҳбат бо “Озодагон” гуфт, “одамоне, ки бо мо салому суҳбат карданд, рӯзи дигар ба прократура даъват шуданд. Дар баъзе ҷойҳо мақомоти қудратӣ ба ҳамон нафароне, ки мулоқот доир мекарданд, фишор меоварданд. Дар дигар минтақаҳо худи раисон садди роҳи вохурӣ мешуданд.”
Ин номзад ба Маҷлиси намояндагон мегӯяд дар 6 рустои ноҳияи Ишкошим вохурӣ доштааст: “Мо ба рустоҳои бештар ташриф овардем, вале дар аксарияти онҳо бо ҳар баҳона аз фароҳам кардани вохурӣ сарпечӣ мекарданд. Ҳангоме ки мо дар баъзе ҷойҳо барои фароҳам кардани вохурӣ одам пайдо кардем ба онҳо фишор оварда шуд. Якеро даъват, дигареро бозпурсӣ мекарданд ва ба саввумӣ ба маслиҳати бародарона медоданд, ки ба ин одам наздик нашавед.”-мегӯяд Алим Шерзамонов
Дар ҳавзаии якмандатаи рақами 41 “Хоруғ” панҷ номзад барои курсии вакилӣ рақобат мекунанд. Ба иттилои Давлат Алиназаров, раиси ҳавза номзадҳо Акрамшо Фелалиев вакилии феълии порлумон аз ҲХДТ, Абдуласан Мамадасанов, мудири шуъбаи хоҷагии қишлоқи ҳукумати ноҳияи Шуғнон аз ҲАТ, Сайёрамо Замирова, муовини раиси ноҳияи Ишкошим ба тариқи худпешбарӣ, Алим Шерзамонов, раиси кумитаи иҷроияи ҲСДТ дар Бадахшон, аз ҲСДТ ва Даринг Раҳмон Ҷаҳон Афзун Қурбонзода сардори раёсати Маркази тадқиқоти стратегии назди Президенти ҶТ, аз ҲИИТ вориди рақобат шудаанд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |