Русский  >>  فارسی  >>  Ҷумъа 22 феврал 2019, 06:29

Нигаронии раиси Ҳизби аграрӣ аз вазъи деҳқони тоҷик дар дидор бо интихобкунандаҳо

17 феврал 2015, 11:38

Рустам Латифзода, раиси Ҳизби аграрии Тоҷикистон дар суҳбат бо интихобкунандаҳо аз вазъи бади деҳқони тоҷик ва хатари ҷиддӣ ба амнияти озуқавории кишвар ҳушдор додааст.

Латифзода дар вохурӣ бо интихобкунандаҳои вилояти Суғд гуфтааст, “ҳарчанд дар мамлакат маводи озуқа аз рӯи аксари намудҳо ба қадри зарурӣ истеҳсол мегардад, баъзе маҳсулоти соҳа, аз ҷумла гандум, равған аз хориҷ ба маротиб зиёд ворид мегардад.”

Ба гуфтаи ӯ, ин раванд ҳам ба амнияти озуқавории Тоҷикистон хатари ҷиддӣ дошта ва ҳам истеҳсолкунандагони ватаниро ба мудохилаи шадиду ногувори маводи хориҷӣ рӯбарӯ мекунад: “Бо назардошти афзоиши аҳолӣ ва ҳифзи манфиатҳои истеҳсолкунандаи ватанӣ чораҳои самарабахш аз қабили татбиқи таҷрибаи аз тарафи давлат бо нархҳои кафолатнок харид намудани қисми маҳсулоти истеҳсолнамудаи кишоварзон ва ҷорӣ намудани дигар намудҳои ҳавасмандгардонӣ барои истеҳсолкунандаи ватанӣ бояд андешида шаванд.”

Раиси Ҳизби аграраии Тоҷикистон аз он ибрози нигаронӣ кардааст, ки ҳоло як деҳқони тоҷик 3-4 нафарро бо маводи ғизоӣ таъмин мекунад. Дар ҳоле, ки ба гуфтаи ӯ, як фермери Исроил 95, Иёлоти Муттаҳидаи Амрико-79 ва Русия 15 нафарро таъмин мекунад ва дар ҳоле ки теъдоди узви як оилаи деҳотии Тоҷикистон маъмулан ба 6-7 нафар мерасад, заҳмати солонаи аксарияти марди деҳқон барои таъмини талаботи ҳатто оилаи худ кифоя нест: “Аз сабаби паст будани малакаи касбӣ, риоя накардани агротехнология, истифодаи нокифояи техникаи кишоварзӣ, тухмиҳои сифатнок ва нуриҳои минералӣ самаранокии истеҳсоли маҳсулоти соҳа паст мебошад. Деҳқони тоҷик дар ҳоле 3-4 нафаро бо озуқа таъмин мекунад, ки теъдоди узви як оилаи деҳотии Тоҷикистон маъмулан ба 6-7 нафар мерасад.”

Дар вохӯриҳои раиси ҲАТ бо интихобкунандаҳои шаҳру навоҳии вилояти Суғд масоили марбут ба ҷавонон, мушкилоти шуғлу истироҳати онҳо ва шароити иҷтимоию фарҳангии деҳоти вилоят, чораҳои ҳалли онҳо ва беҳтар кардани шароити кору зиндагии мардуми деҳот, аз ҷумла тавассути таҳияи қонунҳои дахлдор ибрози назарҳо шудааст.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Кам шудани истесоли маводи озука на дар "сабаби паст будани малакаи касбӣ, риоя накардани агротехнология", балки дар баландии андоз аст. Масалан як декони одди то соли 2013 барои як гектор замин 622 сомони андоз месупорид. Харочоти обаш 180 сомониро мешуд, ки дар умум маблаги 800 сомониро ташкил медод. Аз соли 2013 ин тараф масалан дар Панчакент микрохочагихо ташкил шуданд. Дехкон акнун дар баробари ин 800 сомони мачбур аст, ки дар як гектор замин барои 12 нафар андози ичтимои пардохт намояд. Андози ичтимои барои як нафар дар замин дар як сол 120 сомони мукаррар карда шуда, барои 12 нафар 1440 сосониро ташкил медихад. Яъне 1440 сомони бар болои 800 сомони дар 1 гектор замин зам гардид ва 2240 сомониро ташкил дод. Ин 2240 сомони андози хатми барои 1 гектор аст. Акнун худатон казоват кунед, ки агар ба ин нарх нархи чуфти замин, хакки кишту кор ва хизмати кормандонро илова кунем чи кадар мешавад? Оё кор кардан дар замин манфиате меорад? Шахсан ман танхо ба хотири аз даст нарафтани замин ин хама маблагро аз хисоби фарзандони мухичрам супорида истодаам ва хеч фоидае аз замин намегирам.
То он рузе, ки андоз кам шуда, ба дехконон кумак нашавад хеч бехбудие интизор нашавед. Акнун фахмидед ки сирри ташкили чойхои кории иловаги дар вилояти Сугд дар кучост?. Ба як гектор ба чойи 1 нафар 12 нафар ба кор таъмин карда шуд))))
Мо бояд аз тачрибаи Озорбойчон истифода бурда, истифодаи заминро барои дехкон таоман ройгон намоем. Ана он гох пули андозу дигару дигарро у дар замин харч мекунад, дорухои минерали мехарад ва аз замин хосил мегирад. Танхо дар хамин вакт таъмини амнияти озукавори амали хохид шуд. Дар акси хол "Ту напурс чони бобо. Ту напурсу ман нагуям".
Посух додан
  • Мадина

  • 17 феврал 2015 13:37
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бале дехкононро бояд дастгирй кард. Бузургони рузгордида гуфтаанд, ки "Нон бошад сурудхам мешавад"

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!