(ВИДЕО) Интихобкунандаҳо: Баъди интихобот ҳам дарди дили мардумро пурсед
То интихоботи парлумонӣ дар Тоҷикистон 11 рӯзи дигар мондааст, аммо бархе сокинони дорои ҳаққи раъй мегӯянд, то ҳол аз барномаи аҳзоб ва номзадҳо огаҳӣ надоранд.
Ҳамаи ҳашт ҳизби расман сабтиномшуда дар кишвар номзадҳои худро ба вакилии Маҷлиси намояндагон аз ҳавзаи ягонаи умумиҷумҳуриявӣ ва ҳавзаҳои якмандатӣ пешбарӣ кардаанд. Дар як назарпурсии сарироҳии “Озодагон” бархе сокинон ва меҳмонони пойтахт гуфтанд, ки номзадҳоро намешиносанд ва аз барномаи онҳо бохабар нестанд. Як нафар дар ин назарсанҷӣ изҳор дошт, ки муддаии курсии парлумонӣ аз маҳалли зисташро медонад, аммо боре дар вохӯрии ӯ бо интихобкунандаҳо иштирок надошт, зеро ба қавли вай чунин мулоқот анҷом нашудааст: “Дар гузашта номзадҳо мардумро ҷамъ карда, барномаи худро муаррифӣ мекарданд, ҳоло баръакс мегӯянд мо бояд назди онҳо равем”.
Видеои назарпурсиро инҷо бубинед ва навиштани назари худро зери он фаромӯш насозед.