Русский  >>  فارسی  >>  Душанбе 18 феврал 2019, 14:38

Шикояти номзади ҲНИТ аз монеагузориҳо дар ҳавзаи №11

20 феврал 2015, 10:02

Раҳматуллоҳи Раҷаб, раиси бахши Ҳизби наҳзати исломии Тоҷикистон дар навоҳии тобеи марказ ва номзади ин ҳизб ба вакилии Маҷлиси намояндагон дар ҳавзаи №11, ноҳияи Файзобод аз риоя нашудани амру дастуроти Эмомалӣ Раҳмон, раисҷумҳури кишвар дар робита ба баргузории интихоботи парлумонӣ аз сӯи мақомоти маҳаллии ин минтақа нигаронӣ дорад.

Ин номзад ба вакилии Маҷлиси намояндагон рӯзи 20 феврал дар суҳбат бо “Озодагон” гуфт, масъулини ҷамоати деҳоти “Ҷавонон”-и Файзобод нагузоштаанд, бо интихобкунандагони деҳаи Хӯҷамард вохӯрӣ анҷом диҳад.

Ба гуфтаи ӯ, гӯиё Сафаралӣ Раҷабов, раиси ҷамоати деҳоти “Ҷавонон” дастур додааст, аз баргузории ин вохурӣ ҷилавгирӣ шавад: “Инҳо аввалан қонунҳои амалкунандаи Тоҷикистонро нодида гирифтанд ва низ суханҳои Эмомалӣ Раҳмон, ки гуфта буданд, ба мақомоти дахлдори баргузории интихобот супориш медиҳам, барои дар сатҳи баланд ва озоду шаффоф ташкил ва гузаронидани маъракаҳои интихоботӣ тамоми шароитро фароҳам намоянд.”

Раҳматуллоҳи Раҷаб мегӯяд, мақомоти маҳалли ҷамоати деҳоти “Ҷавонон” гуфтаанд, ӯ дар деҳаи Хӯҷамард аллакай мулоқот анҷом додааст: “Аммо дар он мулоқот танҳо раисони маҳалла ва кормандони ҷамоат ҳозир шуда буданду гуфтанд, ки паёмҳоятонро ба мардум худамон мерасонем”.


Шарҳи худро бинависед:

Ном:*
E-Mail:
Матни шарҳ:
Посух додан
  • fosila

  • 20 феврал 2015 11:25
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мебахшед мухтарам Рахматуллои Рачаб ба ХНИТ лозим аст ки шафофияти хостаи Шумо таъмин шавад??? Яъне шумо мехохед ки аз хочагони хоричии худ маблаг гирифта барои дар ин сарзамини обод чангро огоз кунед ба шумо хес хеч чиз нагуяд зеро шафофият аст. Аввалаш ки ХНИТ бояд дар Точикитсон арзи вудуд надошта бошад, зеро максадаш дар Точикистон шиаро бо сунъи чанг андохтан аст.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Barodar, shumo bisyor soda, budagi diya. In hama farmoishoi xudi diya... wink

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!